MIHRING HI A PIAN CHHUAH ATANG RENGIN A TAKSA CHU LEIA KIR LEH TURA RUAHMAN SA (APPOINTMENT WITH DESTINY) A NI : Kan Bible chuan ‘ kum rei lote a lo ral hunah Ka kir leh lohna tur kawng chu ka zawh dawn si a’ a ti a ni (Job. 16:22). Tin, mihring tawh phawt chuan thihna kan pumpelh theih loh tur (mithianghlim lawr a lo thlen huna, a nung chunga van a lak chhoh turte chauh lo chuan… I Thes.4:13-18; I Kor.15:51-52) thu hi a lo sawi chiang em em a ni- ‘ tlan chhuahna kawng reng reng an nei lo vang a. An nghahfak ber pawh thihna mai a ni….’ (Job. 11:20). Chuvangin kan chhungkua memberte chu mi panga kan nih leh lu sunna vawi nga kan hmabak tihna emaw a lo ni a, tin, nupaa khum laizawla hlim taka kan nuih dun thinna te chu engtik niah emaw chuan chumi hmunah vek chuan tap chungin mittui nen kan la inthen leh dawn tihna a lo ni… “mihring chu a thi a…. A ni, mihring chuan a thlarau a thlah a, khawnge a awm tak?” (Joba 14:10). Khawvel hi a chaknate chawpin a boral mek a ni; Pathian duh zawng titu erawh chu kumkhuain a awm reng ang” (I Joh 2:17). “Mihring tan vawi khat thih ruat a ni, chumi hnuah chuan rorelna a awm ang” (Heb 9:27). “Ngai teh u, tun hi hun lawmawm chu a ni a; ngai teh u, tun hi chhandamna ni chu a ni”(II Kor 6:2).
Posted on: Mon, 11 Nov 2013 07:22:38 +0000
Trending Topics
Recently Viewed Topics
© 2015