MINISTER-PRESIDENT MIKE EMAN Y PARTIDO AVP A PONE ARUBA BAO DI CURATELA FINANCIERO DI HULANDA PA ASINA MIKE EMAN POR HUSTIFICA SU MEDIDANAN DRASTICO ARIBA E PUEBLO DI ARUBA Durante e reunion di Parlamento di siman cu a pasa Parlamentarionan di AVP a bay di acuerdo pa Minster-president, mr, Mike Eman firma e Protocol di Cooperacion cu Hulanda cu ta nada otro cu entrega di nos autonomia financiero na Hulanda, pa Gobierno di Reino bay disidi di awor en adelante con Aruba tin cu bay atende su asuntonan financiero. Pa gaña e Pueblo di Aruba atrobe cu ta algo bunita ela hasi, Mike Eman ta bendiendo na e Pueblo di Aruba cu ela firma algo historico cu Gobierno di Reino pa Gobierno di Hulanda juda Aruba den e debacle financiero cu Gabinete Mike Eman 1 a hinca Aruba aden. Tur e Ministernan di Gabinete di Mike Eman 1 a viaha rond mundo y a fiesta na nan antoho; Ministernan bao di Gabinete Mike Eman 1 a organisa hopi eventonan internacional cu placa di Pueblo; Ministernan di Gabinete Mike Eman 1 a organisa red-carpet-events pa nan so; Mike Eman mes a organisa asina tanto Green Conferences; Conferencia Europe meets Latin America pa asina comerciantenan di Hulanda y Europa por hasi negoshi cu Latino America; Mike Eman a paga miyonarionan manera Al Gore; Wubbo Ockels; Sparta; y biyonarionan manera Richard Branson pa nan bin come y bebe y gana placa di Pueblo di Aruba na miyones, pa e simple hecho di kere cu e por conta den mundo internacional. Ministernan di Gabinete Mike Eman 1 a organisa conferencianan internacional cu artistanan; jet-setters y miyones a ser drispidi den hasi famia y amigonan bira miyonario den frega di wowo. Cuanto articulo mi persona no a scirbi caba durante e ultimo 4 anjanan cu esaki ta un violacion flagrante di derechonan humano, pasobra e placa cu mester ta destina pa un HAVO/VWO na Noord; placa cu mester ta destina pa kita hamber bao di muchanan chiquito cu ta bay school sin desayuno; placa di Pueblo cu mester a wordo inverti den asuntonan social; den casnan di anciano y di Pueblo; den duna e Pueblo di Aruba un mehor biba, a wordo desvia pa e asuntonan aki, cu no tin nada di haber cu bon gobernacion; al contrario esakinan ta solamente corrupcion politico pa cual awe e Pueblo di Aruba ta para dilanti di un debe mahestuoso cu ta bay tuma e Pueblo di Aruba 100 aña pa Aruba paga esaki back. Aruba a mara su mes na e Convenio di Derechonan social-, economico y cultural pa asina por cumpli cu e tarea di promove y di por implementa proyectonan cu ta na fabor di e Pueblo di Aruba. Ministernan bao di Gabinete Mike Eman 1 a prefera di hinca e fondonan aki den otro cosnan mundano y nan a prefera di hinca fondonan public den nan propio saco y den e saco di nan friends & family, lagando e Pueblo ta sangrando; lagando e muchanan chiquito cu hamber; lagando nos hubentud sin un Havo/VWO; lagando nos ancianonan na caya, solamente pa nan por jena nan propio saconan y saconan di nan friends & family. Awor cu tur instancianan internacional cu no tin nada di haber cu politica na Aruba a bin duna Mike Eman su sentencia, cu Aruba no por sigui hasi mas debe; awor manera un mucha chiquito cu ainda ta jora na saja di su mama ta core bay firma un Protocol di Cooperacion supuestamente pa Hulanda bay juda Aruba cu su debenan. Hulanda NO ta bay juda Aruba cu su debenan, pasobra NO ta Gobierno di Hulanda a hasi e debenan ey; Hulanda lo NO bay juda Aruba cu su debenan, pasobra Hulanda a adverti Mike Eman y su Gabinete pa hopi tempo caba cu e no por sigui fia placa na grandi asina manera e ta bin ta hasiendo pa 4 anja caba; Hulanda NO ta bay juda Aruba pa e simpel motibo cu Hulanda mes su economica ta masha mal para. Locual Hulanda ta bay hasi si ta, ta bay pone Aruba bao di curatela financiero pasobra Gobierno di Reino tambe ta haya cu Minister-president, mr. Mike Eman a derocha placa na granel na cosnan mundano; pasobra bisami kico cana ariba red carpet tin di haber cu Bon Gobernacion di un pais. Tur e Ministernan aki mester wordo poni personalmente responsabel pa e debenan cu cada un di nan a hasi pa nan mesun probecho personal; e Ministernan aki mester bay paga back na e Pueblo di Aruba tur e placa cu nan a gasta na viahamento; red carpet events y tambe e placa cu nan a hinca den nan saco y e saco di nan friends & family. Pasobra dia 1 di Januari 2014 medidanan masha impopular lo drenta na vigor na Aruba debi na e Protocol di Cooperacion cu Aruba a firma cu Hulanda pa implementa tur e recomendacionnan di Fondo Monetario Internacional y cu Aruba lo bay bao di curatela financiero di Hulanda. E medidanan cu ta bay drenta na vigor dia 1 di Januari 2014 lo ta lo siguiente: Aruba ta perde su Status Aparte: Aruba ta bay cay bao di control financiero di Hulanda. E cuerpo di ambtenaarnan lo wordo reduci cu 45%; esnan cu ta keda den servicio lo tin cu accepta un reduccion den nan salario di 15%; Lo introduci un belasting ariba tur producto cu jama VAT di 15% banda di un BBO di 3%; e costo di bida lo subi cu 25% pa 50% pa cada ciudadano na momento cu Aruba bay conoce un inflacion di 20%; e edad di pensioen lo bay subi di 60 pa 67 aña. AZV lo conoce un aumento substancial den su prima; e Pueblo tin cu bay paga pa cierto remedinan su mes y tambe elo mester bay paga un suma pa su consulta di dokter; pobresa cu ya caba ta azotando pais Aruba lo sigui aumenta drasticamente, cuasando mas criminalidad; causando mas inseguridad aki na Aruba. Tur e Ministernan di Gabinete Mike Eman 1 mester bay bao di curatela berdad, pasobra nan a resulta di ta poco pirata/aventurero cu a bin goberna pais Aruba solamente pa saquia e fondonan publico di pais Aruba pa hinca esakinan den nan propio saconan y saconan di nan friends & family. Mike Eman a fia 3 biyon florin den apenas 4 anja, pero cu excepcion di algun klinkers nada, pero net net nada no a wordo hasi na Aruba pa loque ta trata su infrastructura; Gobierno di Mike Eman NO a traha NI UN cas di anciano; Gobierno di Mike Eman NO a traha NI UN cas di Pueblo; Gobierno di Mike Eman NO a traha NI UN un solo scol nobo; Gobierno di Mike Eman No a drecha nos scolnan debidamente sino awe nos lo no tin e debacle di Mon Plaisirschool y cu actualmente Gobierno di Mike Eman 1 ta violando grandemente e derecho na enseñansa di e muchanan di Colegio y Mon Plaisirschool cu no por bay school pa motibo di malgobernacion. E unico cos cu Mike Eman y su Ministerna a hasi ta enriquece nan mes y nan extended family & friends ariba un esacala hamas bisto aki na Aruba; esaki ta corrupcion politico; corrupcion politico ta un violacion flagrante di derechonan humano; corrupcion politico ta hortamento di placa di Pueblo pa hinca den saco di Gobernantenan y nan friends & family. E mas tristo ta cu Mike Eman y Partido AVP cu NO a hasi NADA pa Aruba logra su Status Aparte, awe ta bay entrega Hulanda parti di nos Status Aparte cu NOS a lucha asina tanto p’e. Keho lo wordo manda pa Gobierno di Reino y pa Comite pa Derechonan Humano di UN. Sra. mr. Edwina Henriquez, Abogada Internacional pa Derechonan Humano y Democratizacion
Posted on: Sun, 25 Aug 2013 17:16:38 +0000
Trending Topics
Recently Viewed Topics
© 2015