MIPUITE HNENA NGENNA LEH SAWMNA MSU hian sawrkar nawr buai ngawr ngawr hi a duh loh avang leh dawhkana sawifel theih beiseiin vawi tam tak Group ‘B’ Grade Pay Rs 4400/- china hnalakna awm reng reng, Gazetted leh Non-Gazetted Post huam veka MPSC kuta dah let leh turin ngenna, Mizoram sawrkar hotu lu ber thlengin a lo thlen tawh a. MSU ngenna hi thla tam tak ngaihchan a nih hnuah tihhlawhtlin tumna lam sawrkar atanga hriat a nih tak loh zel avangin MSU General Executive Committee chuan Mizo thalaite hmakhaw ngaia MSU ngenna, ‘Grade Pay Rs 4400/- chin a hnalak awm reng reng MPSC kutah dah let leh ni rawh se’ tih chu a hlawhtlin ngei theihna tura sawrkar ngen nan Ni 30.7.2013 (Thawhlehni) hian Aizawl-ah TotalBandh neih ni se tiin a relthluta a ni. He hmalakna hian awmzia a neih loh chuan Ni 2.8.2013 (Zirtawpni)-ah State Capital Aizawl leh Mizoram-a District Headquarters’ pasarih (7)-ah Total Bandh hi neih chhunzawm a ni ang. Hetianga MSU hmalakna hi Mizoram tan a ni tih hria a he Bandh neih tur hi min thlawp vek turin MSU chuan Mizo mipui zawng zawngte a ngên tak meuh meuh a ni. Mipuiten MSU ngenna hi min zahsak hram turin kan ngen a che u.
Posted on: Sat, 27 Jul 2013 14:43:59 +0000
Trending Topics
Recently Viewed Topics
© 2015