MIZO THALAI ZINGAH KHUA LEH TUI NIHNA CHIANGLO KAN TAM ********************************************** Kolasib AW Editorial - August 19, 2013 Tunhnaia tihchhuah, final electoral roll special summary revision 2013 ah Kolasib District roll tlangzarhna ah Election Officer Saizikpuii chuan foriegner thenkhat, an awmna veng NGO ten roll a thun tura dilpui an awm thu a sawi. Tunlaia social site, facebook lama inhnialna siamtu tam ber chu kan Mizo pui, ramdangmi chungchang hi a ni ngei ang. India khua leh tui ni hauh lo te Mizo an nih avanga lo pawm ngawt hi dan bawhchhiatna niin a lang a. Kan pawm theih dan ber chu dan pangngai angin khua leh tui nihna (Citizenship) dil a, thuneitute an an lo pawm in. Chumi hmaa lo pawm ngawtna dan kha a awm lova, pawm theitu kan nih loh ang chiahin pawm ngawt theih pawh a ni chuang lo. Heng ho, a bikin khawchhak lam atanga lo chhuk thla te hi Indian Citizenship an nei lo kan tih laiin Mizo an ni ta lo tihna a ni lo. American Negro te hi African an ni chuang lo ang hian hengho hi Indian an ni lova, kan chipui engang pawh nise dan lova an lo luh leh dan lo bawk a roll-a lo thun tum kha khua leh tui tha nihna a ni lo. Chutiang chiah chuan khawchhak unau te hian Myanmar roll ah min thun tum ta se, a ram leilung fa kan nih phawt loh chuan phalsak kan ni ngai lovang. Chuvangin ngaihtuah chiang mang lova dan lova awm chhuak tura NGO ten an tihna pawh meikawh a lo hnial ngawt kha a fuh lo thei. Tuna ramdangmi tantu tam ber te hi nakin lawka a pawi ti ber bertu kan ni zawk mai thei. Chuvangin miin an peih a ram tana ke an pen phawt chuan an tha ti thuanawp zawnga tawngkam lo neih fo kha a fin thlak lem loh tih hriatthar a tha hle. A pawimawh berah chuan thuneitu sorkar hian dan angin heng mite hi han enkawl phawt teh se.
Posted on: Sun, 18 Aug 2013 19:10:50 +0000
Trending Topics
Recently Viewed Topics
© 2015