MIZO TLANGVALIN CHIMERIC INSULIN LEH HORMONE THAR A HMU CHHUAK: Mizo Scientist ropui a rawn inlar leh ta. The Zozam Times chanchinbu thuchhuak danglam tak mai sawi fiahna: Kan nitin chanchinbu darh zauber te zing ami The Zozam Times vawin Thawhtanni June Ni 30, 2014 a chhuak chuan front page ah Mizo tlangval MBBS zirlai in khawvel deng chhuak tham thil thar a hmuchhuah thu a rawn tarlang a. He thil an rawn chhuah hi a ngai ngai in ka rawn tarlang hmasa ange. Aizawl: Russian federation hnuaia Mizo tlangval Malsawmdawnga chuan khawvela ‘Chimeric insulin’ hmasaber leh ‘Chimeric Hormone’ hmasa ber a hmuchhuak. Thudawnnain a sawi dan chuan MBBS zirlai Malsawmdawnga (William Hidden) thil hmuhchhuah thar (experimental result) hi BBC, CNN leh New York Times lamah puantir tura hma lak mek a nih thu hriat a ni bawk..... Hetiang ang hian a rawn chuah kuau mai a, beng pawh a verh nghal zar mai le. William hidden tih chungchang tho hi The Zozam times hian August Ni 13, 2013 khan an lo chhuah tawh bawk a. Chumi chungchang chu FB group hrang hrangah hian hetiang hian ka lo post darh tawh nghe nghe a: CHANCHINBU IN THU DIKLO CHHUAH: *************************** MIZO SCIENTIST DR WILLIAM HIDDEN CHUNGCHANG A THU DIK. Nitin chanchinbu lar tak mai leh darh zau tak mai The Zozam Times, Dt August 13th 2012 chhuak a Article huang chhiar chuan WILLIAM HIDDEN HI TUNGE NI? Tih MT Chhakchhuak Chhinga Veng inti ziah kha kan hmu hlawm ngei in a rinawm a. A rawn ziah dan tlangpuiah chuan Dr william Hidden hi Mizo hnahthlak scientist ropui tak, Nobel prize pawh dawng mai tura beisei, Hidden Particles leh hidden Theory te hmuchhuak tu Russia rama MBBS zir lai,a naupan lai a KD Elementary School a kal, chutah Mount Carmel School chhuak anga rawn ziak in eng eng theory emaw te hmuchhuak a research te pawh a thar a ti reng leh thil dang dang a rawn ziak teuh mai a. He thil hi dawt muhlum hlak a ni tih hi kan hriat a tha awm e. Dr William Hidden leh a thil hmuh chhuah chungchang hi hman deuh khan Facebook ah hian hmeichhe pakhat profile atanga post thina ani a. AIDS damdawi te, God’s particle te pawh hmuchhuak a, Nobel Prize te pawh dawng tura nominate tur zing ami, Mizo pa ngei niin group hrang hrangah te a rawn post tawh thin a ni. Chutiang thil awmang chanchintharah te kan hriat lemloh avangin he thil hi ngun takin ka lo chhui ve tawh thin a, tichuan he thil Dr William Hidden tih vel rawn ti chhuak tu hi kan chhui kan chhui a kan hre chhuak ta a. Amah hi rilru lama harsatna nei deuh te anih avangin a hming leh nihna tak chu a thiantha ten min ngen angin ka sawi chhuak ta lem lova. Mipa ani a, hetiang science thil ringawt mai atchilh niin a thiannu pakhat Facebook profile hawh sak in Dr William Hidden chuangchang hi a post chhuak ta thin a ni. Tin, Dr William Hidden ang hian Facebook ah hian profile lem a siam bawk a, chutah phei chuan thlalakah te pawh ama thlalak te pawh a dah tel nghe nghe thin a ni. He thil hi ka rawn sawichhuah nachhan chu, chanchinbu darh zau tak maiah te hetiang hian a rawn chhuah a, tin, tunhma pawh in a chhuah fo tawh thin a, mi tamtak hrechiang lo chuan Mizo in scientist ropui tak kan lo nei reng ani maw an ti mai a..hei hi a thalo ka ti ve a, chuvangin a nihna tak hi ka rawn sawi chiang ve a ni e. Dr William Hidden tih hi ataka mihring awmlo a ni a. Tuna William Hidden in thil a hmuhchhuah tih a thu rawn vawrhdarhtu pawh hi khami tho kha a nih avangin kan chanchibu lam te pawh hian an thu chhuah tur hi tunlai khawvela thil thleng ang chu Internet lam atanga a en theih vek tawh avangin bel chiang hmasa in thu chiang lo leh belchian dawllo hi chu chhuah tawhlo se a lawmawm viau ang le. Hei hi William Hidden page anga a siam chu ani e- https://facebook/pages/William-Hidden/151439481618906
Posted on: Mon, 30 Jun 2014 13:15:36 +0000