Malaysia ummi Chinmi hna February 2009 ah American Baptist Churches USA GS Dr. Roy Medley ho in kan ra len lio ah UNHCR lubik Mr. Alan Vernon kan rak ton. Chinmi umnak kip ah ni hnih chung kan leeng hmasa. Matu pawl riahnak tupi tang i kan kal ahcun palastic in inn le biakinn cu an sak. An biakinn fate chung ah Jesuh hmanthlak a liampi pahnih cu a hnu le hmai ah an taar. Jesuh Khrih nih kan hnu le hmai he kan kilveng seh ti ko a lo ngai. ABCUSA kan hawi le cu hi biakinn le Khrih hmanthlak nih an lung a phur ngai hna. Kei ca zong ah Khrih thawnhnak hmual cu ka tem colh ve. UNHCR lubik kan ton ahcun kan hawi le nih zei dang chim lo in Chinmi kan rak tlawng hna, UN card aa tlaihmi cu Rela kut in an him, an ti. An chim duh mi cu UN card tal tlaih ter ko hna, An himnak caah ti khi a si. Mr. Alan Vernon hi American a si. A nupi cu Vietnamese nu a si. CBCUSA nih a sin ah lawmhnak le Chin ralzaam kan zohkhenhnak catlap cu cahmai pali khat in ka tial i na re zuam maw, nangmah sin ah ka tialmi a si tiah ka kut in ka pek. Rel zuam tuk ko tiah hmai panh tein a ka cohlan. Can rau lo ah UNHCR nih mobile registration an tuah i kan hawi le ABCUSA pawl cu an i lawm ngai hna. An him deuh lai tiah an ti ve. Malaysia i lakphak dawr i zing te van tthut kha cu a nuam ngai in ka theih ve. Nan ngaih tuk kha nan mawh lo. Hawi he um tti lengmang cu a nuam tuk hme cu! Mr. Alan Vernon he a office ah hman kan i thlak mi:
Posted on: Thu, 06 Mar 2014 04:27:43 +0000
Trending Topics
Recently Viewed Topics
© 2015