Mali isuna sika tama? Panagkunam laeng wenno sigurado ka? Narigat a kalabanen ti mismo a bagi, narigat nga isuro ti rikna no medyo baribar ti panunot ti maysa a parsua. Sigurado ka nga husto ka ket ti kamali adda kenkuana? Kastoy..... Ti PUDNO adda pammaneknek kadayta. Saan a mabalin a pammaneknek ti nangngeg laeng. Saan met a mabalin a pammaneknek ti nakitam laeng. Ti pammaneknek ket mismo nga adda a tengngel dagita imam a mabalin nga idatag iti siasinnoman a nakasagana nga idatag iti aniaman nga oras a kasapulan. Ti nangngeg sakanto sublaten nga iasao ken ipadengngeg, saanen a sika ti husto ta aramid nga arbangid daytan. Uray pay eksakto a nangngeg ket eksakto a nakitam ngem saan a sika ti eksakto nga tao nga pakaitalkan ti estorya. Ti sumublat iti damag saan a gagangay ta aramid laeng dagiti tsismosa nga awan maubrana. Ti damdamag ket normal iti biag ngem ti agipadamag a saan met ngarud a maseknan, isuda dagiti abnormal ti panagpampanunotna ta pagarupenda nga husto ti makita ken mangngegda nga awanan tengngel a pammaneknek iti estorya. SAAN AMIN NGA ESTORYA KET AGPAYSO NGEM SAAN MET AMIN NGA AGPAYSO KET RUMBENG NGA ESTORYAEN. ***kurdapia***
Posted on: Mon, 23 Sep 2013 11:40:14 +0000
Recently Viewed Topics
© 2015