Manchester United Captian atan Wayne Rooney ruat a ni Manchester United chuan an captain thar atan Wayne Rooney an ruat a, Kum 28 mi Rooney hian nizana Valencia 2-1 a an hneh hnu khan United captain thar a nih thu Boss Van Gaal chuan a puang a ni. Darren Fletcher chu Vice Captain atan ruat a ni bawk. Rooney hian August ni 16-a Swansea an hmachhawn hunah Captain nihna tak tak nen United a hruai tan ang. Rooney chuan, Ka tan chuan chawimawina ropui tak a ni chiang a ni. Kan manager-in ka chunga rinna a nghah ngam avangin ka lawm tak zet a ni, tiin a sawi. Man Utd Boss Van Gaal chuan Captain thlan hi thil pawimawh tak a ni a. Wayne hi ka mi duh a ni. A hmathlirte, training neihnaa a khawsa zia leh professional a nih zia a hriate hi ka ngaihlu em em a, naupang zawkte tan entawn tur amahah hian a awm a. Chuvang chuan captain nihna hi ka hlan ta a ni, tiin a sawi. Rooney hian Vidic, Gary Neville, Sir Bobby Charlton, Bryan Robson, Eric Cantona leh Roy Kean te hnung a zui dawn ta a ni.
Posted on: Wed, 13 Aug 2014 10:57:27 +0000
Trending Topics
Recently Viewed Topics
© 2015