Maneho di Medio Ambiente ku atenshon pa situashon di molèster di huma despues ku instalashonnan di Isla a kai afò Djadumingu 7 di Yüni 2013 mainta, alrededor di 11 or e planta pa produkshon di energia BOO a eksperenshá difikultat di manera ku e no por a suministrá Refineria Isla energia i otro produktonan nesesario pa plantanan di refineria por operá. E situashon aki ta pone ku outomátikamente instalashonnan di Refineria Isla ta kai afó i e proseso aki ta bai kompañá ku emishon di un kantidat supstanshal di huma ku lo por trese molèster pa barionan pa bou di Isla. Pa e barionan aki kaminda esaki ta posibel, tene bentana i portanan di kas será durante e periodo aki. Ekspertonan di e departamentu di medio ambiente di Refineria Isla a mustra ku nan tin e situashon bou di kontròl. Momentu ku un planta kai afó, outomátikamente e ta kima e gasnan i otro produktonan ku a resta den e instalashonnan i e proseso aki ta produsí kantidat supstanshal di huma. E situashon ta asina pasobra isla na e momentu ei no tabata risibí energia ètòl, ku e plantanan tabata risibí energia e proseso di kima gasnan i otro produktonan den e instalashonnan lo a tuma lugá mas rápido i ku ménos molèster di huma. Despues ku Refineria Isla risibí energia atrobe e kompania lo mester evaluá lokual a tuma lugá pa despues kuminsá prepará e proseso di start e plantanan bèk. Ta konosí ku e proseso aki tambe ta bai kompañá ku emishon supstanshal di huma. Maneho di Medio Ambiente i Naturalesa (ántes Milieudienst) den koperashon ku Isla ta sigui monitòr e situashon i informá komunidat momentu ku esaki ta nesesario.
Posted on: Mon, 21 Oct 2013 19:15:08 +0000
Trending Topics
Recently Viewed Topics
© 2015