Me nah lie Jamaican relatives nuh respect age enuh...Nuh matter how old u get ya still pitney fi dem.Dem wa sen sen u go a shop like ya pitney.And to top it off a bare embarassing ting dem a sen u fi buy.Talk di truth,me go look fi me Aunty.When me reach a wash she a wash.Hear har nuh me glad u cum.Me face change cause me know a wuk she wa wuk me out.Me seh fi wa?She seh me a beg u go buy sum bleach fi me.Me nuh join di sen out ting but me rate har suh me oblige. Me seh how much bleach me fi buy?Hear har wid di slackness nuh:$20 bleach me wa u buy. Me suddenly realize seh me Aunty a drink mad puss piss or at least she a sniff it.Me face drop same time cause me realize seh har brain a experience a typo.An like di rock of Gibraltar me stan stil,cause I shall not be moved.Me seh u mussi mad,a me u wa shopkeeper lawf off a?Me nah go a shop go buy $20 bleach.She get mad like ants and start talk up di tings dem bout how me hype an me ungrateful...me seh u can gwan chat cause I are not going...A style she did wa style me enuh cause she not even go harself...lol...mad ppl!!!
Posted on: Thu, 05 Sep 2013 19:08:51 +0000
Trending Topics
Recently Viewed Topics
© 2015