Mizo Mipui leh Thalai huaisen tak takte sawmna. ZTD chuan 2013 inthlan lo awm turah hian ZORAM MIPUI tan MLA a rawn vawrchhhuak dawn ta. Kan Politik intlansiaknaah hian, tactic an tih mai, TRICKERY leh strategy an tih mai PROPAGANDA hmangin an rawn tawng chhuak leh dawn a nia. Kan rinhlehna i paih bo ang u. EIRU duh ni se, tuna an hnatawhna theuhah leh hna an lo thawh tawhnaah an EIRU daih tawh ang. An EIRU lo. Ram leh mipui tan chan huam zawkin an rawn pen chhuak dawn a ni. Zoramthar Duhtute Manifesto kan rawn puanzar hunah, ZTD-in sorkar rorelna-a a thiltum chu chiang lehzualin kan hria ang. Kan Politik inrelbawl dan hrawn meka kan kalphung chu kan hre tlang vek e. Mipui a bikin thalaite kan sorkar neih tawhte atanga kan chan chin theuh hretute kan ni. Mipui leh thalai tan chuan 15% vel chiah kan Budget-ah a awm tih chu hai rual lovin Prism-in Mipui manifesto-ah khan an rawn tarlan tawh kha. Chu pawh chu chan kan neih lohzia hretute kan ni. Mi tha leh mi dik, ram vei chutianga chan huama rawn pen chhuakte kan thlan tlin a pawimawh hle a ni. Thiltha kan ram tana kan duhte hi tihlawhtling tur chuan, democratic rama awm kan nih miau avangin nang leh kei kan va pawimawh em. Kan politik boruak enin, Kan rawn vawrhchhuah turte hi a hun taka puan a tul dawn a, kan rilru lo buatsaih lawkin, in vote hlu tak kha ZTD pawl (political platform) tan chauh nilo, kan rawn vawrhchhuah turte tan chauh nilo, ram leh mipuite kan lo dam nan, kan lungawi tawhnan kan MLA rawn vawrhchhuah turteah in vote hlu tak lo thlak turin kan han ngen che u a ni. Sorkar tha leh dik, mipui sorkar mipui tana siam hi kan thelh a thiang tawh lo ve... Kan thiltum in an tlang (Mipui tan mipui sorkar siam hi)..a sap tawngin dah ta ila "WE cannot afford to miss"............ NDTV-in thalaite ngaihdan India rama khawpui hrang hranga survey a neiha a slogan ken angin...kan Zoram thalaiten "MY VOTE ROCKS" tiin ram siam tha turin i penchhuak ang u.
Posted on: Sun, 06 Oct 2013 10:58:12 +0000
Trending Topics
Recently Viewed Topics
© 2015