Muaji i Ramazanit, Nishani shtron iftar, nga Turqia Edi Rama uron - TopicsExpress



          

Muaji i Ramazanit, Nishani shtron iftar, nga Turqia Edi Rama uron Natën e Kadrit Muaji i Ramazanit, Nishani shtron iftar, nga Turqia Edi Rama uron Natën e KadritTIRANË-Muaji i Shenjtë i Ramazanit ka qenë vazhdimisht në qendër të vlerësimit dhe nga politika e krerë të shtetit. Në vigjilje të Natës së Kadrit Presidenti Bujar Nishani ka shtruar iftar duke mbledhur personalitete të njohur të fesë, kulturës, politikës, ambasadore etj, ndërsa kryeministri i zgjedhur Edi Rama ka përcuar një urim nga Turqia, ku ndodhej për vizitë zyrtare. “Muaji i Ramazanit është një rit madhështor e kuptimplotë. Në këto ditë besimtarët ngrenë lart sakrificat. Me anë të agjërimit ju tregoni superioritetin e virtytit mbi vesin. Përmes kësaj sfide që bëni, ju bëni atë që më tepër se gjithcka i duhet njerëzimit, dëshmoni dhe forconi besimin tek Zoti”, tha Nishani në një fjalë të mbajtur para iftarit. “Të qenit i uritur materialisht dhe i ngopur shpirtërisht është një e mirë e madhe, e kundërta e keqe e madhe. Uria e vullnetshme dhe e shenjtë e Ramazanit, kjo uri e bukur që gjatë këti iftari do ta largojmë është larg urisë së imponuar të dhjetëra viteve të shkuara. Është entuziazmues fakti se brenda urisë së imponuar kishte jo pak që mbanin Ramazan. Është madhështore dhe rrënqethëse të kujtosh sot atë heroizëm të asaj kohe. Ishte ky besim i pafund te Zoti, kjo bindje e palëkundur tek të mirat e sakrificës dhe durimit që e mbajtën gjallë besimin dhe bënë të mundur që Zoti të triumfojë mbi Djallin, të triumfojë e mira mbi të keqen, e bukura mbi të shëmtuarën, pasurimi mbi fukarallëkun, kjo kohë ndaj asaj kohe. Erdhi kjo ditë që lirshëm të mbajmë Ramazan, të shtrojmë iftar dhe të zbatojmë të gjitha ritet. Duke dëshmuar përkushtimin ndaj Zotit me privacion dhe sakrificë ju dëshmoni seriozitetin e virtytit ndaj vesit, punës ndaj parazitimit etj”, theksoi me tej Presidenti. Kurse kryeministri i zgjedhur Edi Rama përmes Facebook dhe Twitter dërgon këtë mesazh urimi. ‘U uroj gëzuar të gjithë muslimaneve natën e plotësimit të Librit të Shenjtë!”. Urimi vjen 3 orë pasi Rama theksoi se përfundoi takimin kryeministrin turk, Taip Erdogan. Takimi u mbajt në kryeqytetin turk ku Rama ndodhet për vizitë zyrtare. Edi Rama ka përcjellë gjithmonë urime për festa fetare, por kjo për Natën e Kadrit vjen nga toka e një shteti që zbaton zyrtarisht me përpikmëri cdo rit fetar mysliman. edi ramaMuaji i Ramazanit Muaji i Shenjtë i Ramazanit është periudha kur besimtarët myslimanë përmbahen rreptësisht nga ngrënia, pirja dhe kënaqësitë trupore, që nga lindja e diellit deri në perëndim të tij. Ramazani vjen çdo vit dhjetë ditë më herët dhe zgjat 30 ditë. Pas përfundimit të tij është Festa e Bajramit të Madh. Agjërimi gjatë muajit të Ramazanit është një nga detyrimet fetare të myslimanëve të përcaktuara në Kuran. Në Kuran thuhet se agjërimin e ka për detyrë çdo besimtar mysliman, i cili është në zotërim të plotë të intelektit të vet, në moshë madhore dhe fizikisht në gjendje. Agjërimi i një të mituri me aftësi të mjaftueshme gjykimi është po ashtu i vlefshëm. Ndërsa ata që nuk e kanë të detyruar agjërimin janë gratë shtatzëna dhe të sëmurët si dhe fëmijët (përpara pubertetit). Përgjatë këtij muaji myslimatë përveç riteve fetare, përcjellin mesazhe paqe dhe lumturie mes njëri tjetrit. Gjithashtu lutje në Zot shkojnë për çdo të varfër dhe të sëmurë që përballen me këto situatë.
Posted on: Sat, 03 Aug 2013 21:42:12 +0000

Trending Topics



Recently Viewed Topics




© 2015