Muslim community sa Reg.2, kinondena rin ang pag-atake ng MNLF Written by Bombo Tuguegarao Published in More News Friday, 13 September 2013 TUGUEGARAO CITY - Kinondena rin ng Muslim community sa lungsod ng Tuguegarao ang ginawang pagsalakay ng breakaway group ng Moro National Liberation Front (MNLF) ni Nur Misuari sa Zamboanga City. Sinabi ni Haji Abdul Gabor Gidatu, lider ng Muslim community na mali ang ginawa ng grupo ni Misuari dahil muli na naman itong nagpapasiklab ng kaguluhan sa Mindanao. Sinabi ni Gidatu na suportado nila ang isinusulong na kasunduan ng pamahalaan at ang MILF. Ayon sa kanya, nakita kasi nila na walang magandang nagawa ang pamumuno ni Misuari sa Mindanao. Dahil dito, sinabi ni Gidatu na dapat na bigyan ng pagkakataon na ganap na maisulong ang framework agreement sa pagitan ng gobyerno at MILF dahil naniniwala sila na ito ang magiging daan upang makamit ang inaasam na kapayapaan at kaunlaran sa Mindanao at pagkakaisa ng buong bansa. Kasabay nito sinabi niya na nagpasiya silang umalis ng mindanao at magnegosyo sa lungsod dahil sa nais nilang makaiwas sa mga kaguluhan. - See more at: bomboradyo/news/more-news/item/22268-muslim-community-sa-reg-2-kinondena-rin-ang-pag-atake-ng-mnlf#sthash.y0fWl0IK.dpuf
Posted on: Fri, 13 Sep 2013 10:57:47 +0000