NC Hills Presbytery Krismas Trip 2014 (Report) Vol.9 Issue No.40 29 Dec. 2014-4 Jan. 20-14 Fe na hmun (Station) : Duraichara, Tripura (S) Dt.22-12-14 in Haflong suoksan a ni a, Dt.23-12-14 zantieng Rev. Lalsiemvel Pudaite D/S phutna / ngenna dungzuiin, Sub-Hqrs. Kamalacherra rieklut a nih. Dt.24-12-14 zingkar bufakna Evan Lalthathang le Evan Malsawmkim hai umna Raipassa kanna le tawngtaipuina hun thatak kan nei thi nawk. Dar 11:00 Am in Pastor Biswajit Debarma in Commander Jeep hung thuoiin mi 10 hai le hlim takin Duraichara zantieng dar 3:00 in kan tlung, Kohran hai in an mi lo lawm hle. Pastor Biswajit Debarma inrawinain Krismas ni zingkar Home visit hlawk tak el kan nei, Lalpa Isu hminga baptisma changa an Hindu pathien le an dawibur hung maksan dingin mi 3 hai an hung suok dawk chu lawm leiin mithli a thla naw thei nawh. NC Hills Presbytery Ramthar Chairman Upa Thansung Hrangkhol le Ramthar Secretary T/Upa Lalsiemthang Khawbung in Hindu hai in ah Isu chanchin hril peiin Pastor Biswajit in Kok-Borok tawnga inletin Lalpa’n kan tawngbau suok malsawmna nasatakin kawt lien tak an hawng pei, ringthar hai le Pastor Biswajit nasatakin tawngtaipui ei tiu. Dt. 01-01-15 ni in Cl-XII inchuklai Baptisma pek belsa a nih. 2015-16 sung member 100 ringthar lak dinga bituk (target) a nih, ti thu Pastor Biwajit tawngbau hin a mi cho hle, tawngtaipui ei mtiu. Dt.27-12-14 hin hlim takin Haflong Lalpa’n ami thuoi tlung nawk tah. ====================== ** EFCI Muolhoi Kohran in kumtina a lo thaw hlak ang in 31st December,2014 khan hieng a hnuoia hai kuom a hin sawrkar le kohran a pension / retired hai kuoma chawimawina THANGSUOPUON inhlanna a nei: 1. T/Upa Lalkhamlien Joute, UDC, Medical 2. Upa G. Thangbuong, H/M Muolhoi H/S 3. Pi Hrilngurkim Buongpui, Asstt. Metron 4. Rev. Vanlaltlana |hiek, D/S EFCI 5. Pi Zawlthangtluong Khawjol, UDC, PHE 6. T/Upa Lalthanglien Songate, Asstt.Teacher,Muolhoi H/S 7. Pu Laltlana Darngawn, Interpreter, NCHAC 8. Upa L. Hlimpuia Darngawn, Draftry, NCHAC Hi zan bawk hin kum 2014 sunga fam lo changtahai sunpuina thilpek le tawngtai pekna an sungkuohai ta dingin nei a ni bawk. 1. Pu Zohuonmawi Buongpui, RIP 2.2.14 2. Upa Vanlalngen Thiek, RIP 14.3.14 3. T/Upa L.H. Buongpui, RIP 20.6.14 4. T/Upa Lalzarmawi Hmar, RIP 9.8.14 5. Pi Lalbuongmawi Buongpui, RIP 18.9.14 6. Pi Olivia Tuolor, RIP 21.9.14 7. Pu Laldamlien Keivom, RIP 11.10.14 8. Pu Pauzalam Gangte, RIP 28.10.14 9. Upa Lalawikung Buongpui, RIP 18.11.14
Posted on: Fri, 09 Jan 2015 10:13:27 +0000
Trending Topics
Recently Viewed Topics
© 2015