NOKKOL GISIM Badiaba song damsao man’e cha’gipa mandeo bregimin bang’bea nokkolrang gnangchim. Skangni salrangode me’asarang aro me’chikrangko nokkolrangna palrongachim. Nokgipa rang an’tangtangni nokkolrangko ka’sae jakkalrongja. Cha’anirangko okkae on’rongja. Pring do’o gisikchengaoni walni askirang naaona kingking kamrangko ka’atrongachim. Salsao man’e cha’gipa mande, pante bi’sa saksako nokkolna antio palako breenba nokona rimangaha. Ua pante bi’sara an’gisim ong’achim, do’ka manggisim gita dim’ak nangstipa gita dakpilachim. Ua mandeo nangbakmanode, ma’gapnasusu nikpilachim. Ukode do’ka mandal ringa gita matchu nook gaa gita nikachim. Uko nike nokgipa agre moela bang’ani giminsa simenga ine aganaha. Uko name auatode rongtalgen ine chanchiaha. Indaken nokgipa nokkolrangko okame chirangko rite an’tangni mikkango uko auatchina ge’etaha. Uni gimin nokkolrang chirangko ding’ate dal’gipa chi donchakaniko nokgipani mikkango doneaha. Chirang krae ding’mano nokkol gisimko rimbae, chi donchakanio asongate chi ding’achi rubolbolaha. Sakgipin nokkolrang uni be’en gimikko rim’rokroksoaha. Indiba mamung rongtalbaanikon nikjaha. Nokgipa rong’pilengrangko ra’e nokkol panteni be’enko krenge natsiksikaha. Mitamrang chi rubolbolaha. Da’nang nokkol panteni bigilrang skoktokenba an’chirang ong’katpile be’en gimikan gitchaktokaha. Uko nokgipa nike aganaha “De da’ode moelarang talangengjok, dongtonggija bate bate natbo aro chikoba rubolbolatbo.” Indaken salgimik ong’nasipile auaton nokol panted sisrangaha. Atchikapgimin an’gilko aro gisikko mamung cholchiba dingtang ong’atna man’ja. Aganbewal gita matchuni bi’sa matchu, wakni bi’sa wak ong’aia.
Posted on: Tue, 13 Aug 2013 03:42:38 +0000