Naupang â tak ka nih lai khan. A chancin min hrilh thin ISUA. A mit a en va chung a mak ti tak chungin. Apu, tuge ISUA chu?? Ka pu chu a nuiseih a, Duat tak a min kuahin. Phur takin kei naupang â mai hriatthiam turin. ISUA chu kan Lal, Chhandamtu, Tlantu leh thian fel tak a ni e, Kut a sak ni ve lo VANKHAWPUI a awm thu min hrilh turin Van atang a rawn chhuk a. AMAH chu i rin phawt chuan VANKHAWPUI ah chuan hruai ve che A duh a ni. Chu ISUA chanchin chu tamtak min hrilh hnu chuan, AMAH chu i ring ve duh em? tiin. A mit a chiang taka en chungin, Apu, aw, AMAH chu ka ring ve duh e. Ka pu chu a nui seih a, A biangah mittui a luang. Ka lawm e ISU, ka Lal leh Tlantu. Vanram kawng min kawh hmuh turin i lo kal. Aw, min hrilh zel rawh ka ring che ISU. Vanramah hlim takin kan cheng dun dawn nia aw. Hlim taka ka nuih theih chhan chu.... Apu, nangmah vang a ni ka lawm e. ISUA chanchin mawi min hriattir a. Ka nun hruaitu atan leh Van ka thlen theihnan! SOURCE: Chhangte Chim
Posted on: Tue, 29 Jul 2014 09:09:44 +0000
Trending Topics
Recently Viewed Topics
© 2015