(Nikum lam khan hethu hi ka Post tawh a, tha ka tia. Ka lung a ti leng tlat kan Post nawn sak ange) Boihte heng ka thu leh hla ho te, te hi i tan a ni asin... i beng lo thleng mawlh teh se he thu hi keima rilru puakchhuaka ka phuah ni ta se midang tana ka phuahchuah a ni ngai lovang, mahse tuemaw in tuemaw tan a lo phuah chhuaka, chuan tuemaw chuan tuemawin lo chhiar ngei se a tih avangin i chhiar ve ngei atan ka rawn ti mai a ni e... Ka lakah hian engmah bat i nei lo, mahse vawi khat i chhiar chhuaha i hrethiam lo anih chuan chhiar nawn leh tura ka beisei ta che anih pawhin chu chu ka laka i bat leh i tlakna ni mai rawh se.... chuan... I thinlung hi hre thei ni ila chuan vawi tam i Phone number ka delete tawh hi vawi tam ka save nawn tawh lovin ka ring a, i thinlung ka hriat theih si loh avang hian vawikhat ka save hi ka save hlen tawh dawn nge; save ngai tawh lo turin ka delete zawk dawn tih lah ka hre thei der si lo! Vawi tam i number delete mah ila, delete ve mai theih loh ka thinlung lam a mi zawk hian i number chu a theihnghilh thei ve der si lo! I hmel hmu thei lo mah ila, he ka phone hmang hian i aw ka hre thei thin a, hlima ka nuih chuan nang pawh hlimin i nui ve thin a, nang erawh hlima i nuih changin i hlimna tawmpui che har ka ti thin. Kha i hlimna phenah khan mi min hriatpui ve hauh si loh khawdur awm tlatin kei chuan ka hre thin. Keia hlimna chu i tan chuan hote a ni maithei, mah se ka tan chuan thil ho a ni hauh lo tih ka hrilh duh che a, kei chuan nang chauh hi ka thlan tawh che avangin, ka lakah hian i rinna kha nghat ngam ve la ka tih avangin i lakah ka beisei ka tisang takzet a, chu ka beisei i phak loh thinna chuan min ti chau thin. Tlang sawn theihna hial khawp ‘Rinna’ nei mah suh ila, ka rinna hi engemawchen chu a dik thin a ni tih chu nang pawhin min hriatpui ngei ka ring. Ka rinna dik ngeia ka pawm i hnena ka sawi chhuah changa min chhanin, "Min bawl, ka awihlo" i tih hian ka thinrim i tizual a, min chhang duh lova i ngawih reng lahin ka thin a rim tho bawk si! A chhan chu, i lakah hian rilru pakhat chauh ka pu a, thil danga sawi chhuah dan ka thiam si lo.. “Khiang i awih si loh chuan Ngaihzual, lengdang chhai a rem lo” tih hla kha ka rilru hian a sa fo thin. A nia sin, i rilru hi hre thei ni ila chuan nang kalsan che hi thil har tak ni mahse a tul a nih chuan duhsakna sangber rilru-a hlan chungin ka kalsan mai thei che-in ka ring. Mah se nang kalsana kawng dang zawh mai ka rilruk changin nang i rawn hnai leh a, nang ka hnaih lai tak che-in ka hlata awm i tum leh tlat thin si hi a ni hriatthiam ka tum pawha ka hriatthiam leh theih thin loh chu! Nang hian kei mi kalsanin leng dang i lo thlang ta zawk a nih pawhin, ka rilru hmasa thin thinrimna avanga runluih duhna rilru kha paihin harsa tak chung pawha duhsakna ka hlan theih tawh che ka ring a, chuti ni lovin kei hian nang kalsan che a, lengdang thlang zawk tur chuan i rilru ka tina angem tih ka ngaihtuah hian ‘tuilairapin’ ka awm leh thin. Chuvang chuan a ni, “Khiang i awih si loh chuan Ngaihzual, lengdang chhai a rem lo” tih hla hi ka ngainat thar leh fo thin. Hetiang hian engtia rei nge hun ka hman tawh a, engtia rei nge hun ka la hman zel dawn tih lah ka hrethiam der lo! Heng ka harsatna zawng zawng sutkianna tur chu, “Ka laka rilru i put ang hian i lakah rilru ka pu ve lo” han ti mai la a pawm dan pawh ka thiam mahna, mhse chutiang chuan vawikhat pawh i la sawi si lova...
Posted on: Mon, 01 Jul 2013 10:11:01 +0000
Trending Topics
Recently Viewed Topics
© 2015