Nimin TawmaManuna Fanai leh Rosie Ralte te inneih zet chu, a inneia te an ropui viau ni tur a ni; tunlai Mizo ṭhalai zinga milar leh ril (zaithiam an ni lo a nia) an kat nuk mai. ... Zaithiam nia kan kriat loh, Sherlock Holmes a lehlin thiam avang leh huaisen taka thu a ziak ṭhin avanga kan hriat lar, Ka uaina hrui a chat a tih hla a sak apianga hun la hek em em ṭhin, P.l. Liandinga te nen kan han nui thler ang duai duai a. Tlangval dam rei pawl tak Lalthlamuana Ralte ten zawi sapin, thupui fun tak leh titak hmel deuha Inthlanpui lo awm tur thlir lawkna seprawtui chungin min han uap a nih kha. ... Pastor fapa awm ṭha duh lo pathum, lehkhathiam sang tak ni si leh lar ve nek hlawm si, Beimatuale tia kan hriat lar Zualbawihtea Alphonso te; mi tam takin Comedian Search aṭanga invawrh lar emaw an tih, a larna tak tak zawk chu Journalist a nihna leh a thuziakte ni lawi si Lalhruaitluanga Chawngte leh sumdawnna hmatheha hmanga hun eng emaw chen Football tuipui der, Y2Goal dawr a hawn tak hnu-a football en peih ta mang lo Mamuana te nen dawt leh thutak chawhpawlhin kan han in kap kual vel a nih kha. ... Inthlanpui boruak a lo ni chho a, 2008 Election vel laia Mizoram Politics nghawrnghing lawih khawpa thawm nei na UDA-a an Spokesperson, Political Scientist, Chhunga Maliana, khawhar leh lungleng em ema kil sir khata lo nui tawi ve tek tek hmel te pawh kan hmu. Mi post apiang nawi tak taka chawhbuai ching, mahse han hnial tak tak dawna hnial ngam loh khawpa thil hre zau leh hre ril, chhiar zau bawk si Roa Fanai te; Sports Writer lar, a hmel ena buh hmel deuh, zuam sual awl deuh si Hming Sanga te; nula thlalak leh status ka like khalh theih miah loh, Lal Hriata Chawngthu , Marema Darnei Biate MH, L Ramdinliana Lere-a, Andrew Fanai, Ephraim Ramropuia Chhangte te leh thlalak ringawt atchilh, nula thlalak ngah em em Chungnunga Sahuai te leh Ngaihtea Jordan te pawh an rawn intineitu viau. ... Khawṭhat dawn leh dawn loh thu te, thawhna thlawh tur leh tur lohah te, Minister zin tur leh zin lo tur chungchangah te thuneitu, a sawi ang apianga thil thleng mai ṭhin, Zikpuii Pachuau leh LPS Presenter ropui Chhanhimi Chhantei Ralte te pawh an rawn inchei parh nalh khawp mai. ... Vanglaini Editor Pu K. Sangdanga nen kan inchibai a, kan in kalpel mai dawn emaw tih laia ka kut veilam vuan chunga, E khai, an va sawm zau ve!! tia min han melh kher kha chu ka nuih a za viau lo. PL Liandinga haw turin a nau Beimatuale te rawn kal lam a tawk a, ring leng lawngin, James Ramdinmawia te pawh an awm kha!! a han ti chho lung lung te kha a inngaihnep thlak ka ti ngawt mai. Ka han hmu pha tawh si lo a, ka hmuh leh hunah a chak lo ngawt ang. ... Moneitu thuchham laia a hnuk-ulh mittui hru zauh zauh kha chu mi zawng zawng hriata sawi chi pawh va ni suh. ... A pawimawh ta bera chu, tu emaw ni ka hmu riau kha a ni awm e, helaia hmuh theihloh taksa peng pakhatah hian a chambang tlat leh nghal, PUC student niin an sawi. Pu Muantea te ho assignment-ah ka dah mai ang e.
Posted on: Fri, 08 Nov 2013 04:28:40 +0000