Noticia Politico- E ELEMENTO CAUSANTE DI E KAÍDA Tin varios caracteristicanan cu ta tumba un persona poné cu e no por lanta mas. Ku tumbá mi ta referí na kaída fisíko, (morto). Aunke tin un sinfín di picánan, pero tog tin un di nan cu ta mayor y mas comun na mundu. Esei ta e PICÁ DI ORGUYO: e picá aki ta manifesta su mes na diferente manera. Ata´ki e tres dimenshon principal di e orguyo. (1). E ORGUYO SPIRITUAL: Esaki te raís di tur picá y tambe e causante di e kaída di e hende. E orguyo spiritual ta ocupa e prome lugar entre tur e otro clase nan di orguyo. Esei te amor pa e propio ʺAmiʺ na lugar di e amor na Dios, esei kiermen cu e persona ta pone mas konfiansa den su mes cu den Dios. Dios ta rechasá e orguyo spiritual aki, meskos cu Cristo tambe a rechasé. ʺDikon Cristo no a reprendé ni rechasá e pecadornan cu E tabata sercanan? e muher cu a komete adúlterio? e ladronnan kobrador di impuesto? ni e prostitutananʺ? Pero sí Jesus a reprende e Fariseonan cu tabata pensa cu ta nan te creyentenan di mas sabí y piadoso den Dios. Na segundo lugar ta; (2). E ORGUYO INTELECTUAL: Esaki te actitud arogante di esnan cu ta mustránan cultonan privá. Ta Dios a duna nos tur e capasitashon emoshonal y mental. Ora nos no mira e capasidadnan aki como donnan y talentonan cu ta bini di parti di Dios, mesora e orguyo intelectual ta kuminsa brota den nos. Apóstol Pablo a konfirmá esaki den (1-Cor.8:1-2). Semper nos tin di forsa pa mantené un spiritu humilde. No tene un concepto mas haltu di bo mes (Rom.12:3,16). E temor di Dios te principio di e sabiduría (Prov.1:7). Na tercer lugar ta bini; (3). E ORGUYO DI RIKESA Y DI PODER: Beibel ta siñanos claramente cu e capasidad di obtene rikesa y poder ta bini di Señor. (Deut.8:18; 1-Cron.29:12; Rom.13:1). Asina cu nos reta Dios, y kere cu ta nos mes a inventa e rikesa y poder, Dios ta kita bek for di nos loke El a dunanos. Manera a sosode cu e rei Farao, ora e no kier a obedece Dios atraves di Moises, después di 11 plagas tabata basta y sufisiente pa Dios a kita bida di su yunan y tambe por ultimo mata e mes cu tabata rei di Egipto y cu tabatin hopi rikesa y cu a purba di ehersé poder riba Dios cu ta Esun Todopoderoso. Tin casonan similar den nos bida actual. Si nos por a lesa den e medionan di comunicacion. Kico a pasa cu Saddam Husein cu tabata e homber mas fuerte y cu a forma parti di e Partido Político Arabe Sosialista Baaz y e Gobierno na Irak??? Kico a pasa cu e doño di Titanic cu a expresa orguyosamente cu ni Dios no por SENK su barco??? Kico a sosode cu e rei di Libia, Muamar el Gadafi despues cu el a yama su propio pueblo pa rata, y e mesun pueblo ei a bin saké morto foi den un túnel sushí cu chacánan tabata biba y pasa aden??? Kico a pasa cu e bida di e presidente venesolano Hugo Chavez, después cu el a maldishona Israel, y riba dje expresa cu nada y niun hende no por saké for di e Palacio di Miraflores??? Tur esaki ta muestranan cu Dios ta duna y E ta kita bek ora nos pensa of purba di reta Dios. Dios ta duna y Dios ta kita (Job.1:21). Ta redículo y sinvergüenza, ora nos komportá nos mes di manera alterá, como si fuera cu e Rikesa y e Poder ta dependé di nos mes. Nos mester librá nos mes di e spiritu orguyoso y pidi Dios pa E mantenenos semper umilde. ʺMa E ta duna un grasia mas grandi ainda. Pesei Skritura ta bisa: Dios ta resistí e orguyosonan, ma ta duna grasia na e umildenanʺ (Santiago.4:6). Mi ta spera cu e reflekshon aki por ta di edifikashon pa bo bida. Bo amigo, Lcdo. Ps. R. Matheo Dortalina.
Posted on: Mon, 15 Jul 2013 14:03:06 +0000
Trending Topics
Recently Viewed Topics
© 2015