OFWs pinaalalahanan sa bagahe MANILA, Philippines - Pinaalalahanan ng Department of Trade and Industry (DTI) ang mga Pinoy abroad na magpadala ng kanilang mga bagahe sa mga “cargo forwarders” na akreditado upang matiyak na makakarating ang kanilang mga padala sa mga kaanak sa Pilipinas. Sa consumer alert ng DTI, nasa 153 reklamo na ang kanilang natatanggap ng hindi pagkaka-deliber ng mga balikbayan boxes buhat sa iba’t ibang panig ng mundo nitong taong 2012. Mga kumpanya na nakatala lamang sa Philippine Shippers Bureau (PSB) ang maaaring mapagkatiwalaan ng mga OFW sa kanilang mga “balikbayan boxes” dahil ang mga ito ay natitiyak nilang sumusunod sa pamantayan ng pamahalaan, ayon kay DTI Undersecretary for Consumer Welfare Zenaida Maglaya. Bukod dito, meron ding “insurance coverage” ang mga kumpanyang nasa ilalim ng PSB sakaling magkaroon ng aksidente o iba pang dahilan para hindi makarating ang padala sa pinatutungkulan nito. Ayon kay Atty. Victorio Mario Dimagiba, Director-in-Charge ng PSB, hindi naide-deliber ang balikbayan boxes kapag hindi nakapag-remit ang “principal sea fright forwarders” ng bahagi ng nakolekta nilang bayad sa akreditong Philippine agent o lokal na sea fright forwarders. Nananatili umano ang mga balikbayan boxes sa Bureau of Customs. Karamihan umano sa mga insidenteng ito ay sangkot ang mga forwarding companies na walang akreditasyon ng PSB... _hotta_
Posted on: Thu, 18 Jul 2013 01:10:43 +0000
Trending Topics
Recently Viewed Topics
© 2015