OKUKHULU AKULAMKHOSI 5 INDATSHANA. Malanga thizeni yenzeka indaba madoda. 0munye umakhelwane wathi ezidlulela ngakibo kaMuzi sekuhwalele ngemva kwesibaya wezwa kulomuntu owayekhuluma engcwabeni likaNdlovu ubaba kaMuzi. Lo owayekhuluma wayekhuluma kanje. Lina bakoNdlovu umfanalo uMuzi vele akezwisisi,bekungabanjani ukuthi livele nje limbize aze khonangapho elikhona kwelamathonga. Ngithi mbizeni mathonga mbizeni aze,ngoba lami nginje vele akangilaleli,akasalali ngitsho lasekhaya. Akasawukhangeli umuzi elathi awukhangele,zona inkomo zenu azisasazi isibaya sezilala egangeni Wakhuluma kanjalo uNkanini kanti umakhelwane wakhe umlalele ubandeme ezihlahleni phela indlebe lazo azincitshwa ziyefana xathu lelihlo elingancitshwayo. Laye wathi esezwe kancane kwamalela ukuthi adlule wafuna ukuzwisisa pho ke wahamba esebambe owangezansi. Wabona ke umakhelwane ukuthi indaba zazizimbi, indaba kaMuzi yayisifuna umuntu ozayifakela izibuko . Ngakusasa kwakhona umakhelwane lo owayebizwa ngoSibanda wenza ukokuzingela uMuzikayise lo owayesesidla lempunzi engosedobha amaphepha alahliweyo aphinde laye awalahle. Wambopha izandla wahamba laye emzini wakhe. Kwathi kusihlwa wambophela enqoleni qede yaqoqoda iqonde khonale phetsheya kukaNsiza eVokola. Wahamba uSibanda waze wayafika sekusiyakusa lapho ayesiyakhona kanti njalo wenza isiqiniseko sokuthi wayengeke abonwe muntu. Ekuhle ngekhaya,ngikhulekile emzini kaMpunzedlemini,nguSibanda lowo ekhuleka emzini wenyanga ayeyazi kudala eyayihanjwa nguyise esaphila. Inqola wayeyitshiye ngaphandle kwesango. Wavunyelwa ngabafana ababephandle bephethe imichilo kubonakala nje mhlophe ukuthi babelubangise esibayeni. Wafike wahlala esihlalweni esasiphandle kwenye yezindlu okwakusobala ukuthi lesosihlalo sasihlala ababezodinga usizo kuleyonyanga. Wabalenhlanhla ngoba wathola kungakafiki muntu. Walindanyana okwemizuzu qede kwavuleka umnyango wendlu enkulu eyayibuqamama,kwasekuphuma yena ngokwakhe uMpunzedlemini owayengumninimuzi. Indoda yakhona yayibonakala ilomusa kakhulu yavele nje yabobotheka isuka emnyango wendlu yayo isiza kule eyokwelaphela. Wamangala uSibanda ebona ubabalo ezifakele impahla zakhe engafakanga ezokwelapha. Kwagijima imicabango eminengi ekhanda kuSibanda esecabanga ukuthi uhambele ubabhemi ofileyo,ethi kutsho lumuntu wasewabekaphansi into zokwelapha kwazise wayecine lapha koMpunzi esasemfitshane. Hawu sabona wethu,kunjani,uhamba ngenqola. Hawu ubonakala sengathi udiniwe nje sengathi usuka kude usukaphi?. Ngiyaphila baba,ngisuka phansi le eNyamime,ngiyethemba ubaba wami usamkhumbula nguye owayejayele ukufika lami lapha kodwa ke ngangisasemfitshane ngalesosikhathi. Ehe awuzwake uyazi lokhe ngikufanisa ,hawu mfana kaSibanda uyazi uyihlo kudala sasizwana kabi kabi kodwa ngezwa kuthiwa sewabhubha,hawu lawe sowaba yindoda engaka?. Kubuza uMpunzedlemini. Yebo kunjalo baba umdala wadlula eminyakeni eyisithupha eyedlulayo,manje bengilethe omunye umfana wakomakhelwane,angazi noma lokhe usasebenza ngabantu?. UMpunzi wavula endlini uSibanda wamlandela bangena,hawu indoda le yayilokhe isebenza ngabantu kodwa kwasekwehlukile nanko phela wayesesebenza ngesisonto sewalahla kudala ubunyanga. UMpunzi wafaka isembatho sakhe esibomvu waqala ukuthandaza. Yah,ngiyabona ndoda izinto zinzima lapha,akumthathe lo ohamba laye uze laye lapha kengimbeke izandla?. Wasukuma uSibanda wayalanda uMuzi owayelokhe ebotshelwe enqoleni. Wayeselambile uMuzi engaselawo amandla. Wangena laye emthwele wafika wamlalisa phansi ecansini elalikhonapho wamkhulula intambo ezazimkhungile ezandleni lasenyaweni. UMpunzi wambeka izandla lumfana qede wasedlula ngomoya. Eh,lapha Sibanda nxangabe sithandaza lithi ilizwi likamoya ngabe lumfana singamthandazisa okulamandla sibize igama elilamandla eli JESU KRISTU. Kuthwa ngabe lumfana ungamtshiya baba ungaze watshela muntu lapho akhona kuthi lawe nxa ubuzwa ube ngumuntu ongalandula umphike sengathi ngumuntu ongamazi lapho akhona. Lithi lizwi lumfana uhlutshwa yisimo sento engamadlozi kuzwakala kulomuntu olokhe ephethe siyakhuluma entweni elingcwaba lapho kwahamba kwalala khona ubabozala yenalumfana. Yikho esikuzwa kuhamba kugulisa yenalumfana. Eqinisweni nxa singathi hamba laye mina ngimuzwa engaba ngumuntu lo ongahamba adlule ezweni. Lumfana kuzwakala ethakathwa nguyisekazi wegazi kodwa emthakatha ngesimo sento elidlozi lakibo.uyangizwa kahle mtomdala?. Lapho ke uMpunzi kwasekungathi ufunda leyondaba ephepheni. Phoke uSibanda lo wayengakaze angene esontweni wayehlala esizwa kuthiwa esontweni babiza uAmen,kanti emadlozini wayekwazi kuthiwa makhosi,phoke laye kasazange abesazi ukuthi athini wezwakala evuma ethi yena. Amen, makhosi. Wasetshelwa ukuthi akavume uAmen kube yikuphela.***** Ngane zobaba asisibambeni lapho ke isiqephu sanamuhla asihlangane njalo ngoMvulo. 0736821913 mangabe ufuna yonale indaba esikuyo ngithinte eGoli. Ihlangene nale eyaboMakhelwane kunye noGoguMaSibanda. USgubheqolo kunye noJehova ungumalusi wami nazo zikhona 0736821913 shayela mina. Ezim ngiyaxolisa uSenzo kukhona asakwenza kanti uzotholakala maduze nje. Watch out for chapter 6 Pls like and share my page Mathanzima Dube - Writer/Ndebele Novels
Posted on: Fri, 19 Sep 2014 20:39:17 +0000
Trending Topics
Recently Viewed Topics
© 2015