Once in a lifetime, everyone needs either spiritually or physically a satiation to satisfy our lust. Until and unless we reach the climax, we became restless. Likewise, in order to satisfy my lust te han ti chiam ila chu in hawi phawk nasa awm teh e! Ka status hmasaah khan ka la duhkhawp lo deuh a, a tawp thlen law law ka duh avangin ka rawn rak vel mai mai ani e. Engkim Siamtu chuan engkim chungah thu a nei a. Engkim hi a remruat in a thleng. Engkim hi kan țhatna tur vek anih thu hi nasa lehzuala sawi ka duh. Kum 36 ka ni tawh a. Kum 18 ka nih atanga vawiin thleng, kum 18 chhung hian harsatna leh vanduaina rapthlak tak tak ka chungah a thleng. Mahse khatiang thil zawng zawng kha ka țhatna tur zel a nih tih hi ka chiang. Chuvang chuan Pathian hi ka ringhlel leh tawh ngai lo. Kan Kristian nihna hian kan nitin nun a kaihruai tur ani tih hre lo hi Friday, the 9th January khan a lang chiangin ka hria. Vanram kai nan chauh a Pathian thu hi kan awih dawn anih chuan khawvel a mi khawngaihthlak ber kan ni ang. William Shakespeare a thawnthu pakhatah khan, Vanduaina hi a mal mal in a lo thleng lova, a hlawmin a lo thleng țhin ani tih kan hmu. Kei chuan kan Pathian Isua avangin, Vanduaina a lo thlen hian vanneihna in a zui dawn ani ka ti țhin. Vanduaina ka tawh tam poh leh malsawmna ka dawng nasa dawn ani tih ka hria. Buaina chhum kara ni eng lo chhuak hi ka hmu fo țhin. Shakespeare a zawng, UPC anih loh vang aniang hetiang thu a phuah! Harsatna ka tawh chang apiang hian thil țha tawk tak ka chungah a thleng dawn tih hi ka hre tlat tawh. Chuvang chuan e, ka thaw te hi a veng ham ham ania. Ring tak tak hian ka nui a, enghelh tehchiam hi ka nei hran lo. Thawmhnaw thar neih a inkhawm te hi phurawm asin! Khuang rang tawkin an han tlir zaih zaih a. Mizo țawng dik tak mai a han țawnghriatloh phei chuan insum a har! A kawh thei thei hi chu kan kawhchhuak zawk zawk mai! 🙌🙌🙆🙅🙏E khai, kan unaupa te ho hian duhtawka kan lam min han awi hi chu Victoria Secrets model an ngai lo. Gisele Bundchen emaw, Julia Roberts, Su-Bying-Tai leh Katrina Kaif tih vel an hrechang hauh bik lo asin! Keini lah chuan chung kan unaupa te han zai lungleng vel kha hmuhnawm kan ti. Kawrchung hlui da lampang leh savun pheikhawk khawro tak tak kha te kha chu e, Kalvary brand a thuam an nih avangin kan hmu mawi em em mai! Brad Pitt, Zhing-Zhang-Fook, Bruce Lee te hi kan ngai bik miah lo! Awle, Pathian in kan țhatna tur a ro min relsak dan hi mihring rilru ațang chuan hriatthiam chu a har. Ka țawngțai tam lo hle. Ka țawngțai apiangin ka mawl leh at avanga mahni tan a țha tur pawh hre lo ka nih avanga kaihruai ka ngaih thu hi ka thlen țhin. Min hrilhfiah niin ka hria. Chuvang chuan ka ti lehpek țhin ang. Tunlai kan ram a thil thleng zawng zawng hi Pathian in a hria. Misuala pawh kan huat a ngai lo. Bible hi darthlalang leh tehna atan hmang zawk ang u. Laltlanchhuaha kha Pathian siam ani. Nu leh pa, nupui fanau pawh Pathian in a pe. A Siamtu in a siam chhan ang lo takin a che a. A Siamtu rilru pawh a na hle. Thilsiam dang te chuan tihhlum an duh. Mahse a Siamtu kha rawn hmasak ni se. E khai, Genesis ațanga rawn chho zelin, a chhanna kan hmu. Phuba reng reng keima lak tur ani. A chiang leh ta reng mai maw? Duh se chu Juda Iskariota chunga phuba lak kha chakawm dawn hian ka hria alawm! An hotupa, an Speaker, an boss, an rilțam lai a chhangper leh sangha ti pungtu, an țhiante inneihni ah an whisky tihpunsaktu ber cheng 30 a hralhtu chu! Mahse, Pathian in a zirtirte a hmangaih em avangin an khawih a phal lo aniang. Amah Juda chu a kalbo a, a inawkhlum mai ani. Chuvang chuan Zoram mipuite hian kan Sorkar leh police țha leh fing kan neih avangin lawmthu sawi kan ba. Chung lamin engtin nge ro a rel sak dawn tih hi kei chu ka hre chak. Mipui ten phuba kha la in ti hlum ta ila chu kan chan tur chu, A Siamtu aia fing in ti, Kristian suak, anmahni Siamtu pawh zah lo, chapo leh thilsiam zakthei lo tak, nasa taka zilh hlak tur tih kan ni ngei ang. Awle, kei zawng, kumin ah nge ka hre lo, Mizoram ah hian thil țha leh lawmawm, hmasawnna tur thil țha deuh a thlen ka ring asin! Ka rin hi a lo dik lo ta anih pawhin Pathian in a hun a la ti lo ani leh mai a. Thil chhia a lo thlenin thil țha in a zui dawn tih hi ka philosophy ani reng dawn. Chu pawh chu a proof theih ania aw. Engtin? He thihna hian thil țha a thlen i ring lo maw? En teh, Krismas kan hmang zo chauh sia, i theihnghilh hma hle mai. Lal Isua, Remna Lal (King James version ah chuan Prince of Peace a ti a, a Greek țawng leh Latin țawng erawh in tan țawnghriatloh anih dawn avangin ka type vel peih lo, a sei bawk si) a lo pian khan e, Israel ramah khan naupang kum 2 hnuailam an han that tak tak mai anih kha! Naupang pawisawi lo engzat in nge Remna Lal lo pian avanga an thih phah? Kha kha ani mai asin. Kan Pathian hi mak deuh ania. Isaia khan a hmingah chuan Mak-a a tih reng kha! Tunah hian mi tam zawkin kan hriat miah loh hian thil țha tak engemaw Zoram ah hian a thleng mek angem le? Isua a pian khan information kha a țha lo khawp mai a, chutih rual chuan a huam zau viau lawi si. Beram veng tu, a țhen phei kha chu haw na tur pawh nei chuang lem lo, ramhnuaia riak vel mai mai , mi rethei berh te te, hmel țhing tak tak, khawmpui leh țawnghriatloh ngah em em te pawh an ni ang, chungho chu U Gabriel-a ni ngei a hriat in a zuk hrilh tih kan hria a. Khawchhak mifing khan arsi ațangin high risk tak meuhin, Hlawhchham pawhin ngai kan awh ani mai, khawi nge, tha chu tha nge nge tiin an kal a. Heng bakah hian Mari leh virgin Joseph a chauh khan an hria. Chuvang chuan ,thil țha i hriat apiang kha ti la, thil țha a lo thleng vat dawn nia .
Posted on: Mon, 12 Jan 2015 14:22:37 +0000
Recently Viewed Topics
© 2015