Onitiana Realy « Ry vahoaka, aza manaiky horebireben-dRajoelina - TopicsExpress

Onitiana Realy « Ry vahoaka, aza manaiky horebireben-dRajoelina intsony » Vendredi, 23 Août 2013 Avy hatrany dia tany am-bovonana, izay no azo hamintinana ny fandraisana anjaran’ny tale jeneralin’ny TV Plus, Onintiana Realy, tao amin’ny fandaharana Demôkrasia Mivantana omaly. “Androany aho dia milaza amin’ny vahoaka aza manaiky horebireben-dRajoelina intsony, fihatsaram-belatsihy daholo no nataony nanomboka ny taona 2009”, hoy ity mpanao gazety mpitantana ny TV Plus ity. Tsy vitan’izany, nambaran’i Onitiana Realy fa ny filohan’ny FAT Andry Rajoelina avokoa no tena fototr’izao fikatsoan’ny firenena izao ary ny tenany no nanakorontana tsy nahafahana nanatanteraka ny fifidianana filoham-pirenena tamin’ny faha-24 jolay 2013, tamin’ny alalan’ny filatsahan-kofidiana taorian’ny fe-potoana voafetran’ny lalàna hanaterana ny antontan-taratasy. Mbola i Andry Rajoelina ihany koa no nifampiraharaha tamin’ireo kandidà roa, Kolo Rogers sy Jules Etienne, tamin’ny fanolorana ny ministry ny Vola, Hery Rajaonarimampianina, ho kandidà filoham-pirenena. Fialan-dRajoelina? Raha dinihana iny fanambarana nataon’ny tale jeneralin’ny TV Plus iny dia toa milaza fa tsy hisy fifidianana azo antoka madio sy mangarahara eto amin’ny firenena rahatoa ka mbola eo amin’ny fitondrana i Andry Rajoelina sy nyforongony. Izy ireo mantsy, hoy ihany i Onitiana Realy no mahita tombotsoa amin’izao fitarazohan’ny krizy izao. “Aiza no hisy olona tsy voafidim-bahoaka manapitra mandà iray (dimy taona) izany!”, hoy hatrany ny talen’ny TV Plus. Mateti-piteny io tsy fahombiazan’ny fitondrana jadon-dRajoelina io ihany koa ny gazety La Nation ary efa nilaza fa tsy vonona hiroso amin’izany fifidianana izany mihitsy ny filohan’ny FAT sy ny forongony. Nambaran’ny La Nation (vakio Kof’Roc pejy faha-12 nivoaka ny alarobia 21 aogositra 2013) fa “misôsy” ao anatin’izao rafitra nampahantra vahoaka izao avokoa ireo mpanao politika sy ny miaramila tsy an-kanavaka ary samy manana tombotsoa ny hitarazohan’ny krizy noho ireo tombotsoa maro. Rahoviana kosa àry ny Fianakaviambe Iraisam-pirenena vao hahatsapa izany tsy fahombiazana izany ka hanambara ny tsy tokony hijanonan-dRajoelina eo amin’ny fitondrana? lanation.mg/article.php?id=6007

A TRUE LOVE STORY ek ladki ek gali se guzarti thi ,ek ladka use

Akpos is a varsity student. The Lecturer ordered him to write

if your automobile has been damaged we are here to restore your

V neděli 30. června se uskutečnil v našem klášterním kostel

HERE I COME AGAIN ANOTHER 9 FILMS TO RELEASE TONIGHT LOVE

Neem Magic - Amazing Neem Cleanser - the benefits of the neem herb

Collection of ICC Arbitral Awards, 1986-1990:Recueil des Sentences

1 of the Muslim Inventions That Changed The World Coffee About

Life, has an ability to slip by slowly, until suddenly you look

A genuine question- why the rabid desire to bring dressage to the

Britain’s museums need to face up to a reality. Cultural