P-Noy nanguna sa Rizal Day commemoration Nanawagan si Pangulong Benigno Noynoy Aquino III na ipagpatuloy ang legacy ni Dr. Jose Rizal at isabuhay ang sinimulang pakikipaglaban para sa pagkakaisa ng mga Pinoy. Pahayag ito ng Pangulo kasabay ng paggunita sa ika-118 taong anibersaryo ng kamatayan ng ating national hero ngayong araw, December 30. Pinangunahan din ni Pangulong Aquino ang pag-alay ng bulaklak sa bantayog ni Gat. Rizal sa Luneta Park. Hinimok nito ang sambayanan na makiisa sa paggunita at tularan ang ginawa ng ating bayani. Narito ang mensahe ni Aquino sa 118th Rizal Day commemoration: The Filipino people stand united in celebrating the life of a man who, throughout his life, sought to uplift the circumstances of his motherland and fellows: We honor Gat Jose Rizal—his courage, deeds, and generosity of spirit. We discover an exemplar of citizenship in our national hero; and in his triumphs and sacrifice, we imbibe the inspiration to continue the fight for the Filipino. May this commemoration invigorate and impassion us as a people, that we may remain unwavering in the duty to bequeath succeeding generations with the dignified, progressive future they deserve. The battles we confront may be different from our forebears, yet the call to action and service they once heard remains resonant and clear. Rizal served as our precedent for prodigious acts: He took upon himself to alleviate the despair of others and cast his stake for a tomorrow of peace and liberty. As todays stewards, we are enjoined to do the same: Walk the path of accountability and commit ourselves to the task of nation-building. We shall compose the next chapters of our history and pass it on to coming Filipinos. United, let us strive to leave them a legacy of an empowered and proud nation. Samantala, kabilang sa mga dumalo sa wreath-laying ceremony ay sina Armed Forces Chief of Staff General Gregorio Pio Catapang, Jr., Manila Mayor Joseph Estrada, Vice President Jejomar Binay, National Historical Commission of the Philippines (NHCP) Chairperson Maria Serena Diokno, NHCP Executive Director Ludovico Badoy, at Supreme Commander of the Order of Knights of Rizal Sir Jeremias Singson. Matapos ang programa, nagkaroon ng meet and greet ang pangulo sa walong descendants ni Rizal. Sa report naman ng Bombo Radyo Baguio, itinaas ng Baguio City Police Office (BCPO) ang bandila ng Pilipinas kaugnay ng Rizal Day. Habang ang Philippine National Police (PNP)-Cordillera at BCPO ang nanguna sa 21-gun salute. Ayon kay City Mayor Mauricio Domogan, ang naturang pamamaraan ang pagpapakita ng pagpaparangal ng lungsod sa kabayanihang ipinamalas ni Rizal para makamit ng bansa ang kalayaan mula sa mga mananakop. Inaasahan naman na magsisilbing pangunahing pandangal sa programa si PNP Chief Alan La Madrid Purisima. Sa kabilang dako, una ng naiulat na may alok na libreng sakay ang pamunuan ng Light Rail Transit (LRT) at Metro Rail Transit (MRT) sa lahat ng biyahero ngayong Rizal Day. Ayon sa Department of Transportation and Communications (DOTC), bandang alas-7:00 ng umaga ay sisimulan naman ang libreng sakay sa LRT at MRT na tatagal hanggang alas-9:00 ng umaga. Muli itong magbubukas sa ganap na alas-5:00 ng hapon at magtatapos sa ganap na alas-7:00 ng gabi. Kakampi mo sa Balita Gerry Lou Yakan We are One Kakampi
Posted on: Tue, 30 Dec 2014 03:43:39 +0000