PATHIAN LAWMZAWNG INTHAWINA Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in rawngbawlna awm reng a ni. He khawvel dan ang hian awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin lo danglam zawk tawh rawh u. Rom 12:1-2 Rom bung 12 atanga bung 16 thleng hian Kristian nun dan tur practical a min zirtirna a ni a, hetah hian a rawn hmatheh ber chu inthawina NunglehThianghlimni tura kan taksa Pathian hnena hlan a ni. Ringtu taksa hi Pathianin a ngaih pawimawhzia leh a ngaih ropuizia hi a lang chiang em em mai a. Pathian hian kan thlarau chauh hi a duh lova, kan taksa leh kan rilru pawh a duhin kan pumin min duh a ni. Mahni lam ral vek khawpin Pathian hmaah chuan kan tuiral tur a ni a, chu chu Pathian duhzawng a ni tih hi he Bible thu hian min hrilh chu a ni. Chang 2-naah hian a han sawizawm leh ta a He khawvel dan ang hian awm suh ula tiin a sawi a, ringtu kan nih si chuan he khawvel dan anga kan awm hi thil theih a ni tawh lova, Pathian lahin a phal hek lo. Pathian duhzawng that famkim chu in hriatfiah theih nan in rilru a thara awmin lo danglam zawk tawh rawh u a ti a, chuvangin Krista a nun thar Pathianin min pek hi a ropui em em a, rilru thar nei turin min duh a,Pathian thu hianPathian duhzawng that famkim chu hre tur leh kan neih theihna turin min hruailuh a tum a ni. Chuvangin, kan duhtawk zimteah hian ringtu kan nihna hi kan tawppui mai tur a ni lova, Pathian duhzawng that famkimna chu keini pawhin kan neih theihna turin hemi kawngah hian thanglian turin Pathianin min duh a ni. Rom bung 12 a bul min tanpuina hi kan nitin nuna Pathian kan biak dan tur zirtirna a nih avangin tuk tinin he Pathian thu hmang hian Pathian kan hnaih thin dawn nia. Lalpan malsawm che roh se.
Posted on: Fri, 08 Aug 2014 02:32:42 +0000
Trending Topics
Recently Viewed Topics
© 2015