PI ZOKHUMI RAWNGTAKA THAT TU REMPUIA A INPUANG NGEI E...Tukin lamah Pu J Lalsangzuala (L) nupui Pi Zokhumi kum 83 rawng taka that tu Rempuia s/o Zothantluanga a inpuang tih thuthang chuan Zorama fanchhuak hneh hle a, hei hi thudik a nih leh nih loh zawhna kan dawng hnem hle.Thu dawn danin tualthahna a thlen hnu lawka rinhlelh man zingah khan Rempuia pawh hi lak tel ve a ni a, engemawchen kawl a nih hnuah a inpuan duh mai loh avangin chhuah leh rih a ni. Chhuah a nih chhung hian uluk taka thlithlai zui a ni a, man a nih laiin a tanpui mi pakhat hnena a tawngkam atangin rinhlelhna a zualkai hle a, man leh nghal thuai a ni. A inpuang tha duh lo hle nachungin tualthahna thlen zana a kalna hmun hrang hrang te leh evidence hrang hrang atangin tualthattu hi Rempuia ngei a ni tih hnuchhuitu te chu an chiang thawkhat hle a, mahse amah ngei a inpuan hun an nghak a ni. Nimin lamah pawh khan Police ten darkar 72 chhung remand an dil leh a, nizan dar 12:15 vel khan Police leh Civil mi (withness) te hriatah ama thah ngei a ni tih a inpuang chiang ta niin thudawnna chuan a sawi.A thah ngei a ni tih a inpuan chian hnuah Rempuia hi Central Jailah dahluh nghal a nih thu thudawnna chuan a sawi bawk.Rempuia hi hman deuha a kawchhunga ramhuai PuMafaka ten an hnawhchhuah lai video darh chiam tawh kha a ni.
Posted on: Thu, 25 Dec 2014 08:15:11 +0000
Trending Topics
Recently Viewed Topics
© 2015