"Pas jab soor mein ek phoonk phonki jaye gi. Or zameen r pahaar utha liye jayengy or ek hi chot mein raiza raiza kr dye jayengy. Is din ho prny wali (Qayamat) ho pary gi. Or Aasmaan phat jayega or is din bilkul booda ho jayega. Isky kinaroon pr Farishty hongy, or tre Parwardigaar ka Arsh is din aath (8) Farishty apny uper uthaye huwe hongy. Us din tum sab samny paish kiye jaogy, tmhara koi bhaid poushida naa rahyga. Soo jisy iska na-maa-ae amaal isky daaein (right) hath mein dia jayega tou wo kehny lgy ga k lo mera na-maa-ae amaal prho. Mjhy tou kamil yakin tha k mje apna hisaab milna hai. Pas woh ek dil pasand zindagi me hoga. Buland-o-balaa Jannat mein. Jisky maiway (fruits) jhuky pary hongy. (In sy kaha jayega) k mazy se khao,pio apny un amaal k badly jo tum ny guzishta zamany mein kiye. Lakin jisy isky amaal ki kitaab usky baaein (Left) hath mein di jaye gi, wo tou kahega k kaash k mjhy meri kitaab di hi na jati. Or main jaanta hi na k hisaab kya hai. Kaash! k mout (mera) kaam hi tamaam krdti. Mery maal ny bhi mjhy kuch nafaa na dia. Mera ghalbaa (Supremacy) bhi mujh sy jata raha. (Hukam hoga) isy pakrlo phir issy touq pehna do. Phir issy Dozakh mein daal do. Phir issy aisi zanjeer (chain) mein jiski paima-ish (lenght) sattar (70) hath ki hai jakar do. Beshak ye ALLAH Azmat Waly pr emaan na rkhta tha. Or Maskeen k khilany pr ragbat na dilata tha. Pas aj iska na koi dost hai. Or na siwaye peep k iski koi gizaa hai. Jisy gunah gaaron k siwa koi nahe khaye ga. Sorat ul haaq-qaah ayat no: 13 to 37
Posted on: Mon, 05 Aug 2013 13:29:25 +0000
Trending Topics
Recently Viewed Topics
© 2015