RESÚMEN DI PALABRASHONNAN HASÍ DEN KONSULTA GUBERNAMENTAL RIBA TERENO DI RELASHON FINANSIERO. Den e konsulta gubernamental riba tereno di relashon finansiero BES di 31 di òktober 2013 minister di Asuntunan Interior i Relashonnan di Reino a hasi algun palabrashon ku gobernantenan di e entidatnan públiko Bonaire, Sint Eustatius i Saba. E minister di Asuntunan Interior i Relashonnan di Reino lo trata e palabrashonnan den Konseho di minister. Punto di bista di gabinete tokante investigashon di suavisashon di tarea i deregulashon Hulanda karibense A interkambiá e punto di bista di gabinete ku kolegionan ehekutivo di Bonaire, Sint Eustatius i Saba. Nan ta di akuerdo ku e konklushonnan di e investigashon i e punto di bista di al kaso di gabinete. E entidatnan públiko ta pidi spesífikamente atenshon pa bini ku prioridat na momentu di implementá legislashon nobo i kambio den legislashon. Tambe nan ta supliká gabinete asistensia tékniko pa pone lei i regulashonnan riba internèt. Al kabo nan ta pidi pa pone atenshon na e kapasidat hurídiko limitá riba kada isla. Komo reakshon riba esaki gabinete lo pone kapasidat hurídiko disponibel na e identidatnan públiko pa duna asistensia hurídiko den konsolidashon di nan legislashon. Ademas gabinete lo mehorá e aksesibilidat na e wèpsait wetten.nl pa habitantenan di Hulanda karibense., por pa medio di un konekshon di e sait ku esun di gobièrnu insular. Tambe lo pone ku regularidat riba agènda di e konsulta entre e departamentunan di Hulanda Karibense (asina yamá mesa- Hulanda Karibense) e preshon di regulashon i burokrasia; aki por pone tambe riba agènda ehèmpelnan konkreto proponé pa e islanan, Evaluashon Konsiderando; 1. E palabrashonnan hasí den e Akuerdo final di e konferensha mini tokante e futuro posishon estatal di Bonaire, Sint Eustatius i Saba na òktober 2006 tokante evaluashon di e struktura estatal nobo i e remplaso gradual di e (anterior) leinan di Antia Hulandes pa leinan hulandes. 2. E punto di salida palabrá den konsulta gubernamental di 31 di yanüari 2008, na Den Haag ku riba terenonan di enseñansa, salubridat públiko, siguridat soshal i siguridat tin un nivel di aseptabel pa Hulanda , meskos ku e siguiente puntonan di bista di gabinetenan relashoná ku e entidatnan públiko ku a bai Parlamento. 3. E promesa parlamentario ku na e evaluashon lo envolví te na ki midí ta deseabel i posibel pa introdusí leinan hulandes na Hulanda Karibense. 4. E konseho di Raad van Advies, den su di 18 di sèptèmber 2006, relashoná ku restrukturashon di e relashonnan estatal di e islanan di Antia Hulandes den Reino , pa na e evaluashon inkorporá ku si interesnan di e poblashon ta garantisá den e relashonnan nobo i òf e koperashon ta kuadra ku su meta. 5. E entidatnan públiko tambe ta dunadó di enkargo di e proseso di evaluashon , komo ekspreshon di igualdat, manera palabrá den e konsulta gubernamental di e siman di Hulanda Karibense na mart 2013. 6. Minister di Asuntunan Interno i e entidatnan públiko ta suprayá un biaha mas e reserva riba tereno di legalisashon pa no kompliká innesesariamente e evaluashon. A palabrá ku: 1. A base di informashon ku Raad van State lo emití ta disidí ku ta instalá sí òf no un komishon di evaluashon. E kolegionan ehekutivo ku e minister di Asuntunan interno lo tuma un desishon tokante esaki den e promé siman di Hulanda Karibense den 2014. 2. Gobernantenan i minister di Asuntunan interno a akordá pa instalá un grupo di trabou pa deliñá kontenido i intenshon di e evaluashon. E grupo di trabou aki ta konsistí di e e diputadonan enkargá ku asuntunan konstitushonal i sekretarionan di estado, sekretario general di Asuntunan interno òf su remplasante, komo presidente di e mesa Hulanda Karibense, e lider i e sekretario di e proyekto Evaluashon Hulanda karibense. Por ekspandé, si ta nesesario, e grupo di trabou ku ekspertonan. 3. Lo stipulá un fecha pa kompartí i diskutí ku Bonaire, Sint Eustatius i Saba e informashonnan por eskrito di Raad van State, tokante planifikashon i prosedimentu di e evaluashon di Hulanda Karibense. 4. Resultadonan di e gruponan di trabou di e departamentunan, partisipashon di Bonaire, Sint Eustatius i Saba i informashon di Raad van State ta forma e base pa formulá e tarea definitivo pa e grupo di trabou. 5. Lo palabrá un fecha pa un konsulta gubernamental entre Bonaire, Sint Eustatius i Saba den kua ta formulá e enkargo di evaluashon. Lo stipulá e enkargo pa e evaluashon pa mas tardá yüni 2014 i ta mand’é pa Parlamentu. 6. E evaluashon tin un karakter ophetivo i efektivo. E rapòrt di e evaluashon no ta kontené rekomendashon. 7. A base di e resultadonan di e evaluashon e islanan huntu ku e minister di Asuntunan interno lo bini ku proposishonnan pa adaptá henter e maneho pa Bonaire, Sint Eustatius i Saba i kaminda ku ta nesesario pa kada isla apart. Ta akordá esaki den un punto di bista di gabinete. 8. Ta manda e punto di bista di gabinete huntu ku e rapòrt di evaluashon Parlamentu. Plannan di desaroyo Gabinete i e entidatnan públiko ta mira e plannan di desaroyo entregá, komo un bon base pa desaroyo mas detayá di e islanan. • E entidatnan públiko ta deklará ku e kompensashon liber no ta sufisiente pa eliminá e retrasonan. E entidatnan públiko ta deklará ku e eskoho di gabinete pa e límite minimal den e investigashon di e kuadro di referensha ta enserá ku lo tin medionan limitá pa e mantenshon regular di e fondo di kapital. Den kuadro di esaki e minister di Asuntunan Interior, komo atministradó di e fondo, ta ilustrá ku lo hasi ku regularidat mantenshon na e fondo BES (igual ku e fondo pa munisipionan) manera palabrá na 2012. • Gabinete ta konstatá ku resientemente diferente ministerionan a pone medionan disponibel pa puntonan stipulá den e plannan di desaroyo. Den e lista di palabrashon di kada departamentu lo duna informashon mas detayá tokante; kontenido, volúmen i durashon di e diferente medionan. Gabinete ta deklará ku e punto di salida pa ku e relashonnan finansiero ta ku e entidatnan públiko pa yega na prioridatnan dentro di e medionan propio tambe kompensashon liber. Gabinete no tin espasio pa pone medionan èkstra disponibel. Teniendo na kuenta ku relashoná ku e transishon e gastunan di Reino pa ku Hulanda Karibense a subi kuantioso (€ 300 mion den 2014). • E entidatnan públiko i gabinete ta konsiderá ku ta deseabel pa investigá kon lo por reforsá dentro di e kuadronan presupuestario e kordinashon di e departamentunan i relashoná ku esaki e prioridatnan stipulá pa Reino. • Pa fiansa liber di interes ademas ta na vigor e limitashonnan presupuestario ku ta konosí. Gabinete na prinsipio di 2014 lo evaluá formalmente den kuadro di preparashon di presupuesto e petishonnan pa fiansa liber di interes hasí pa konseho insular den lus di gastunan di Reino di 2014 i pa añanan siguiente. Pa tur fiansa liber di interes ta aplikabel e kondishon ku e Kolegio di Supervishon Finansiero mester a konstatá ku entidat publiko por kumpli ku redukshon di e debe.
Posted on: Tue, 05 Nov 2013 00:24:56 +0000
Trending Topics
Recently Viewed Topics
© 2015