#Ruffa Rf Chhakchhuak# MITTUI RAWN FARTIR SUH ANG CHE Hmangaihna chu hlimna, hringnun timawi a, khualzinna ram ti nuam theitu niin ka lo ngai thin a.Mi pahnih inkungkaihna ah hian pakhat zawk dawhthei taka a awm chuan, a kehchhe tur a veng hram hram ni ten ka ngai a, Mahse, a lo ni miahlo. Theih tawp chhuaha ka thatna chuan zahawmna a hlawh chhuak miah lova. Duh duh a vau leh tlawm bak hlawh a nei lo. Mak i ti ve ngai em, i duat theihtawpa i duat chung pawh a, a hrethiam duh miahlo le tlansan phet che a tum tlat hian? Hmangaihna hi engkim siamthatna bul emaw ka ti thin a, mahse, mi pahnih inkara inzawmna tinghet tur hian hmangaihna hi a tawk zo lo fova, a kalkawng te chu a bumboh em em zawk si.,ka hrethiam theilo ani.. Ka hmangaih anih avang in ka ngaihven a, ka ngaihsak a thiang, a tul zawk hial ang chu. Mahse, ka ngaihsakna chuan huatna a thlen zawk hlauhva, a awmna chin hre tura ka umzuina chuan lunglian a kaitho zawk hlauh mai anih chu..Enge tihsual i neih, i hmangaihber i ngaihsak a i ngaihven avang khan? Ka hmangaih, hmangaihna hrethiam silotu thinlung chu huan thuhruk ang a ni a, a hungna bang chu a sang lutuka, ka lawnliam thei thlawtlo ani..ka duat, mahse, ka duat thiam theilo.. Engtinge mite hian an thinlung thlak thuta anmahni hmangaihtu te an kalsan theih thinle? Hmangaihtu mamawh inti si te hian hmangaihtu an chapo san thei hi amak in ti ve tho hian ka ring ani.. Ka hmangaihna a thlawn avanga awmze nei miahlova ka tap a, engmah sawi tur ka nei miah chuang silo anih pawh in, ka bianga mittui luang hi a chhan min zawt min zawt suh aw, keipawn ka hre bik lo ani.... Ka thinlung neihchhun chu ka pawtthler a, beidawnna in a tuam thinlung karah chuan ka ngaihtuahna zawng zawng ka dah luta, ka thuihnan a. Ka inchhirna ber leh ka chak lohna ber chu, ka lo duat lutuk kha ani.. He thinlung hian a tuar zo lova, hringnun hi a hmachhawn peih ta lova,a kalbo ta anih pawh in rawn indem suh ang che. A chhan chu maw, hmangaihna avanga beidawng thlarau hi a thi daih tawh a, tunah chuan a taksa nen an inzawm ta tihna ani tih han hria ang che. Miten min tah a, miten min lainat a, ka chungchang thu ka hriat ve phak lohva an sawi an sawi hunah pawh, ka thlanlung chungah lo kal in, rawn tap ve miah suh ang che. Ka chah nawn leh ang che, i hnawl avanga beidawng fam changta ka thlan chungah chuan, I MITTUI RAWN FARTIR SUH ANG CHE. Page like duh tan →HAN DAWN VE TEH←
Posted on: Sun, 16 Nov 2014 15:13:59 +0000