SACK WENGER NOW! WENGER AND ARSENAL FANS DEY RESPONSIBLE FOR ARSENAL FAILURES Football dey rest on four stand: The fans, the players, the coach and the board. All these people get role to play to make their club stand gidigba. We go look at the mistakes wey each of them make to make Arsenal dey as e dey so. Enjoy FANS Arsenal fans dey try buy the most expensive ticket in football and them dey make much noise for stadium. But them dey always dey carried away with little buys and success. All Arsenal fans over happy because them buy Ozil. Them over happy say them buy Sanchez without even considering other loopholes like defensive midfield and the rest. Arsenal fans also no dey forgive their players wey leave the club like Chelsea fans wey even happy when Lampard score against them for Etihad. Them also clap for Mata when them play United. Arsenal fans need the forgiving spirit wey Chelsea fans get so that Wenger fit get the liver bring former players like Song/Fabregas back. WENGER Na Wenger buy Sonogo make e head Arsenal attack when him mate dey buy Costa. Na him also no buy other additions when Mourinho dey busy dey sell and buy players. Him also allow sentiments affect am when him no buy Fabregas and Song, but Mourinho no allow the previous quarrel wey him and Fabregas get prevent am from buying Fabregas. Arsenal needs to sack Wenger, replace am with coache wey no get sentiment like Simeoni or Klop. PLAYERS We know say A person can not give what they dont have. But a Chelsea player no go fit get mind go party after another club win them. Unlike Arsenal players wey get liver go party when Chelsea hammer them 6-0. Them even put their pictures for facebook. Them need to take the club very seriously and empathise with the fans. Because e no easy to draw after you dey 3-0. The players needs to play for their pride and the pride of the club. THE BOARD The board just dey happy say them dey make more money without seeking to please the fans wey dey even bring the money. Them need to stop and start pleasing the fans by investing in structures that makes a good club. Manchester City build 200million pound training centre. Chelsea build one of the best academies for Cobham and the best hospitals and doctors for their players. But Arsenal build stadium because stadium go bring instant money. This na why Chelsea players no dey get long time injuries while Arsenal players dey get injuries. 2-4-7! Abi we lie??????
Posted on: Wed, 12 Nov 2014 05:08:35 +0000
Trending Topics
Recently Viewed Topics
© 2015