SAM : (Mi nung ramah hianLALPA thatna hmuh inring suh ila chuan ka chauh tawh tûr a ni.) 27:1 LALPA chu ka eng leh mi chhandamtu a ni; tunge ka tih ang? LALPA chu ka nuna kulhbing a ni; tunge ka hlauh vang? 27:2 thil tha lo tiho, mi dotute leh ka hmêlmate chuan, ka sa ei tuma mi beih lai khan, An inchhuih a, an tlu ta hlawm a. 27:3 Sipai pawlhovin mi bei tumin mi ep reng mah sela, Ka thinlung hian a hlau lovang: Ka chungah indona lo chhuak mah sela, Chuti pawhin ka ring tlat ang. 27:4 LALPA hnênah thil pakhat ka dil a, chu mawlh chu ka zawng ang; LALPA mawizia hmu tûr leh, a biak ina thu zawt tûrin Ka dam chhûng zawnga LALPA ina ka awm reng theihna tûr chu. 27:5 Mangan ni chuan a bukteah mi dah ru dawn si a, A humhimna puan inah chuan mi thukru ang a: Lungpui chungah mi hlang kai ang. 27:6 Tunah chuan mi do ta, mi hual veltute chung lamah ka lu hi chawikanin a awm ang; Tichuan a puan inah chuan hlimna inthawinate ka hlan ang a; Ka zai ang, a ni, LALPA fakin ka zai ang. 27:7 Aw LALPA, ka aw-a ka auh che chuan ngaithla ang che: Mi khawngaih la, mi chhâng bawk ang che. 27:8 "Ka hmêl zawng rawh u," tia i sawi lai khan; ka thinlung chuan i hnênah, "LALPA, i hmêl ka zawng ang," a ti a. 27:9 Ka lakah hian i hmai thup suh la; I chhiahhlawh hi thinurin tibo suh ang che: Nang chu mi tanpuitu i ni thin a; Aw mi chhandamtu Pathian, mi paih thla suh la, mi kalsan lul suh ang che. 27:10 Ka nu leh ka pa chuan mi kalsan ta si a, Nimahsela LALPA chuan mi la pawm ang. 27:11 Aw LALPA, i kawng chu mi entir la; Ka hmêlmate avâng hian Kalkawng phei takah mi hruai ang che. 27:12 Mi dotute duh duha tihah mi pe lul suh ang che: Hretu derten mi bei a, nunchhiat thu chhak chhuak thintute chuan. 27:13 Mi nung ramah hian LALPA thatna hmuh inring suh ila chuan ka chauh tawh tûr a ni. 27:14 LALPA chu nghak reng rawh; Chak takin awm la, i thinlung chu intihuai rawh se; A ni, LALPA chu nghak reng rawh.
Posted on: Tue, 01 Oct 2013 01:35:50 +0000
Trending Topics
Recently Viewed Topics
© 2015