SAPELE/DELTA STATE MUST BETTER. 23/01/2015. APC! APC!! APC!!! Na Agidijollof nai wake me from sleep dis morning becos e don tey wen dat food dey hungry me and na better bone nai i like lick. Also unu know say if Agidijollof finish and u norva belleful,na to begin use tongue take lick d paper nai remain. Na dis kind food i like dey eat with Limca take dey read unu comments for wetin i wan drop so. Some days back PDP National body challenge the APC National flag bearer for Presidential Election to produce the most minimum result wen INEC request from all aspirants wen dey indicate interest to lead this Nation. First dem send we the Press to go confront Army. Stupidly we pack go,not even minding ARMY beating of flog. Yet Army spokeman talk say them nor get any hard copy document to show from d qualifications of d APC aspirant. Later about 16Hours ago the retired General cum address us. This na wetin e talk; The Presidential candidate of All Progressives Congress, APC, Gen. Muhammadu Buhari (retd) cum finally challenge Peoples Democratic Party, PDP, say make dem stop to dey make issue out of him school certificate,instead make dem campaign on issues wen concern unemployment,insecurity and corruption bedevilling the country. CPC Presidential candidate, Gen. Buhari Buhari, for d briefing on Wednesday,talk say he for dismiss the certificates issue as sheer mischief but for the concern,wen many of him supporters and other well-meaning Nigerians get for am nai make am dey address d issue. He cum also talk say: “Although the ruling party wan to hold dis issue strong,him cum tell us again say the issue for this campaign nor suppose be e certificate, wey he obtained 53 years ago. Him talk say the issue na the scandalous level of unemployment of millions of our young people, the state of insecurity, the pervasive official corruption wen don make our people poor well well and the lack of concern from the government for anything other than to retain power at all cost. According to the former Head of State under Military Regime, he say e sidon for the University of Cambridge/WASC Examination for 1961, with examination number 8280002, and e pass wit the Second Division. Buhari say: “I had assumed all along that all my records were in the custody of the Military Secretary of the Nigerian Army. Much to my surprise, we are now told that although a record of the result is available, there are no copies of the certificates in my personal file. “This is why I formally requested my old school, the Provincial Secondary School, Katsina, (now Government College, Katsina) to make available the school’s copy of the result of the Cambridge/West African School Certificate. Which will be made available to the press the moment it is available. (THE RESULT DON COME OUT AND E DEY UNDER DIS VERY POST). Further questions cum dey attack am from the Press wen people wen e dey address,so e cum talk say; “However, before we obtain that, let me say for the record that I attended Provincial Secondary School, Katsina. I graduated in 1961 with many prominent Nigerians, including General Shehu Yar’Adua, former Chief of Staff at the Supreme Headquarters, and Justice Umaru Abdullahi, a former President of the Court of Appeal. “We sat for the University of Cambridge/WASC Examination together in 1961, the year we graduated. My examination number was 8280002, and I passed the examination in the Second Division. Dis na wetin our past head of state wen dey contest the office of the Presidency drop yesterday. PRESS QUESTIONS AFTER THE SPEECH AND THE PUBLISH RESULT. 1: The released result bear Mohamed Buhari why the real name or the name wen APC flag bearer take purchase form frm INEC bear MUHAMMADU BUHARI. 2: D result carry title of WASC Examination,but all of us know say for 1961 Nigeria norva dey operate WASC. 3: The result specify say Buhari write the exam 1961 for Katsina State but i put am to the world say na 1987 dem create Katsina State. 4. Nigeria Academic/educational board introduce Class6 into secondary School for 1990. How cum Buhari pass Class6 even before dem introduce am? 5.Buhari talk say him and Late Shehu YarAdua nai sidon write d exam 1961 and Shehu YarAdua join Nigeria Army 1959. So who don join Army already go leave work cum write exam again,wen na Army be deir priority then. 6: Statement of Result nor dey carry Passport but this our APC own get picture. 7: The passed subjects nor go fit admit dis day pikin for any Federal Institution so how come e wan use am head a Nation? etc Me i nor wan talk or take side for dis matter but i get valid answers for almost all the abobe questions. But e good make we discuss am first to learn more from supporters of APC and supporters of PDP. I Remain The Otota1 Of Sapele. The Urhukpe1 Of Okpe Kingdom. The Asamaigor1 Of Itsekiri Kingdom. The Eagle Eyes Of Delta State. God Bless Sapele. Na the result wen we dey ask of nai be this! Wetin be your opinion about this result? SAPELE/DELTA STATE MUST BETTER.
Posted on: Fri, 23 Jan 2015 06:51:25 +0000
Trending Topics
© 2015