SAPELE/DELTA STATE MUST BETTER BARKA DE SALLAH All over the country now, Muslim pipo dey celebrate Sallah. Wetin come trip me pass na when federal government declare today and tomorrow as public holiday so that them go fit say their prayers and celebrate the sallah with love among themselves. For Nigeira today, we get different religions wey we dey practice. Becos na wetin person understand e dey follow, so, we all nor go fit follow one religion. But wetin be the main reason to join any religion? 1. To serve God better. 2. To know and understand God wella. 3. To follow the ways of God. 4. To express the ways of God in our everyday life. 5. To inherit the kingdom of God. 6. To live peacefully among men. 7. To get good spiritual mindset. 8. To study and grow in Gods way. 9. To be called sons and daughters of the almighty God 10. To be happy with life. But make we look into the two major religions wey dey Nigeria. #Christianity #Islam. If we look well, we go know say, the ways we dey practice religion for this country dey make we dey suffer ourselves. -Some Muslims dey feel say Christianity na rubbish. Say all christians go burn in hell. -Some Christians dey feel say na only through christianity person fit get salvation. If na to think am self alone, e for nor too bad, but some of us come dey use action take dey divide the religious gap among us wider wider widest. -Everytime for Nigeria before, na religious fight. Thank God say e don less. But why all this divide? When e be say christians nor go fit live without muslims? I nor go fit live without you? Even if urban area nai be Nigeria, christians and muslims must still dey there. And dem must live together. Sapele Tafias mandate na to correct so many ills for the society. Religious conflict dey among. When we dey primary school, na me with one muslim person dey sidon. We dey live wella as good friends. But as we enter secondary school, we come dey know say our religion dey seperate us. Why? Why all this differences? Why muslims nor wan see christians as their brothers? Why christians nor wan see muslim as their loved ones? But for market, we dey buy and sell from eachother. We dey go the same school. We dey use d same banks. We dey go d same hospitals. We dey do the same politics. And we dey serve d same God. Bible nor tell us to kill. Quran nor tell us to hate. So, why we dey destroy God plan for our lives? Youths! Stand your ground and defend your faith. Defend your God. Stop the hating. Use your mind and pray always to know how God want make we live for earth. Remember, man nor dey give salvation. Na Bible and Quran be Christians and Muslims guide respectively. Where e dey to kill your fellow human being? Make we nor let clergies dey plant seed for our hearts wey go lead us to destroy Gods purpose for mankind. Make we live as one. Muslims na human beings. Christians na human beings. And na one God create all of us. For village wey only one market dey, na different roads dem dey pass go. Some far, some near. Some fine, some worwor. But the important thing be say, the road go take us to market. If u be christian, practice am the way God want. If u be muslim, practice am the way God want. If we do am like that, we go know say, christianity and Islam na religions of love. So, make we dey mind our lanes. Nor dey claim say Islam better or Christianity nai good pass. Na God create we all. When christmas reach, my muslim friends dey follow me jollificate base on gadamentation for my mansionation unto chopination of ricementation. So, as today be our muslim brothers and sisters gbedulation, make we fall outation go follow them celebration. Na Alhaji Tijani Hassan place nai I for go shut down this evening after I don finish Omodidi ram suya. Barka De Sallah to you all! SAPELE/DELTA STATE MUST BETTER.
Posted on: Tue, 15 Oct 2013 14:58:22 +0000
Trending Topics
Recently Viewed Topics
© 2015