*SAVE AND SERVE ILIGAN* DUYOG! BAG-ONG ILIGAN PRESS RELEASE OCTOBER 18, 2013 DIALOQUE SA PAG PA- UNDANG SA CASINO GIPAHIGAYON KAGAHAPONG ADLAWA Gipahigayon kagahapong adlawa ang Dialoque sa pagpa-undang sa Casino nga gilangkuban sa nagkada-iyang hut-ong sa katilingban ning syudad sa iligan. Gituki sa maong panagtagbo ang mga rason nganong ipahunong ang operasyon sa Casino ning atong syudad, Mihatag og mga katarungan ang mga leader sa nagkadaiyang kasimbahanan ug hugpong sa mga negosyanti sa atong dakbayan . Ang katarungan sa mga katawhan nga nagpakabana sa iligan nga dili angayan ibutang ang dakong pasugalan dinhi sa atong syudad gumikan kay makahatag kini ug kadaut sa atong pinalanggang dakbayan ug makaguba kini sa Pamilya, Kabataan, ug Katilingban. Usa sa mga gibasihan sa anti- Casino groups ang republic Act no.9487-ang balauod nga nag amendar sa Presidential Decree no. 1869, o gitawag nga Pagcor charter “Ang operasyon sa slot machines ug uban pang gambling paraphernalia ug kagamitan, kini ang gidili sa dapit nga bukas sa publiko,dili mahimong maka operate kun kini dili usa ka three-star hotel nga accredited sa Department of Tourism nga gitugutan sa usa ka kagamhanang lokal nga sama sa dakbayan sa iligan”.–(Eduardo A. Loyola.) 10MIL KA SEMILYANG TILAPYA GIPANG –APOD APOD SA MGA HINTER LAND BARANGAY Gibutyag ni City Agriculturist Octavious mulo nga mag-apod apod ang ilang buhatan ug 10mil ka similya sa tilapia sa mga fishpond operator diha sa hinter land Barangay susama sa Mainit, Abuno,Mandulog,Bunawan,Kabacsanan Hindang, dako kini nga tabang sa mga residente sa maong brgy sa ilang panginabuhian. Midugang pa si Mr. Molo nga kining maong mga similya gikan kini sa buhatan sa Bureau of Fisheries and Aquatic Resources kun BFAR nga gihatag sa City Agriculture’s Office sa atong syudad. (Jhong-jhong Burlado.) KONSEHAL YOUNG PLANONG MAKIGTABO SA MAYOR Planong makigtabo si City Councilor Marlene L. Young ngadto kang Iligan City Mayor Celso G. Regencia human niya mamugna ang Technical Working Group aron hisgutan uban sa Mayor ang mga gilaraw niining mga proyektyo nga gilatid sa administrasyon ubos sa City Engineer’s Office. Sumala pa ni Atty. Young isip Chair person sa committee on Public Works and Infrastructure , ug committee on Research Project and Feasibility Studies diha sa Sangguniang Panlungsod aduna siyay dakong ikatampo alang unya sa pgpanday ug mga bala-od. Naglaraw ang maong konsehal nga iyang isugyot ngadto sa Mayor ang kabahin sa reclamation nga angayan pagahimoon dinhi sa dakbayan sa Iligan aron pagdasig usab sa dugang mga investor alang dinhi sa atong dakbayan.|Mar Bado 1.096 KA BILYON KA PESOS 2014 PROPOSED EXECUTIVE BUDGET GISUGDAN NA PAG TUKI SA KONSEHO Marathon budget hearing gihimo sa konseho sa unang adlaw ilawom sa komitiba sa panalapi kagahapong adlawa. Ang Executive Budget alang sa 2014 nikabat og 1,096,035,647.00. Nangulo sa maong budget hearing mao si besi mayor Ruderic marzo isip Chairman sa Committee on Finance, City Councilor Alfredo Busico, Vice chairman, konsehal Ariel P. Anghay ug konsehal Bayani Areola mga membro sa expanded local finance committee, uban ang mga nagkada-iyang Deprtment Heads. Sumala pa ni konsehal Ariel Anghay unang mga Departamento nga gituki sa budget mao ang City Mayor’s Office, City Assessor’s Office, City Treasurer’s Office, ICWS, City Health Office, ug City Legal Office. Sa maong unang pagtuki sa budget gisugyot ni konsehal Anghay nga matagaan ug 15 mil pesos ang matag regular nga empliyado subay sa gimando sa Collective Negotiating Agreement-CNA ug kini ang isukip sa 2014 budget nga mobalor ngadto sa 22.2 milyones pesos sulod sa 1,500 ka mga regular nga empliyado sa City hall. Masaligon si konsehal Busico nga sa dili mtapos ang bulan sa Decembre hayan maaprobahan na ang nasampit nga gahin nga mao usab ang gipanghina-ot ni Iligan City mayor Celso G. Regencia.|Ree J. Altres. UNANG ADLAW SA PANGAMPANYA PARA SA BRGY. ELECTION IPAHIGAYON Sugdan karong adlawa ang unang adlaw sa pag pangampanya para sa Brgy. Election diin matapus kini sa Oct. 26,2013 . Atol niini gipa tuman sa comelec Iligan ang balaod nga gisitar sa nga dili mulapas sa ilang propaganda aron kini dili paga langkaton sa comelec Iligan. Sumala pa ni Atty. Analiza Barrido ang Head sa Comelec Iligan nga ang pag pahigayon sa pag pangampanya adunay mga patakaran nga gi sitar sama sa tarpulin nga adunay kadag-on nga 2 x 3 feet sa maong propaganda apan ang mulapas niini paga baklason. Alayon niini mi pamahayag si Mayor Celso G. Regencia atubangan sa mga Media nga “ang election non partisan og ang election dili pinalitay , kini piniliay”.(Dante E.Daplin) BLOOD LETTING SA BARANGAY BAGONG SILANG NAGMALAPUSON Nagmalapuson kagahapong adlawa petsa 17 ning bulan sa oktobre tuig 2013 ang gipahigayong Blood Letting Activity sa may Barangay Bagong Silang ning atong dakbayan nga gisugdan sa alas 9 ang takna sa buntag. Miabot sa 150 ka mga tawo ang na check-up aron sa pagpakuha sa dugo apan siyam lang niini ang nakapasar sa final examination aron sa pagkuha sa dugo diha sa ilang lawas. Nanguna sa maong kalihukan ang buhatan ni Hon. City Mayor Celso Gomera Regencia ang amahan sa dakbayan sa iligan, Philippine Red Cross kun PRC ug ang mga myembro sa Save Iligan Movement People Againts Crime And Corruption kun Simpacc. Basi sa talaan sa Phil. Red cross ning atong syudad nga anaa na lamang sa 150 ka bags sa mga dugo ang pundo sa ilang buhatan alang sa mga indigent person nga mangayo og dugo sa panahon sa sila magkinahanglan. Mihangyo ang buhatan sa red cross ngadto sa nagpakabanang katawhan nga kinahanglan nga makiglambigit kita sa kalihukan sa lokal nga kagamhanan pinaagi sa pag donar sa atong mga dugo aron makatabang sa uban nga nakinahanglan.-(Eduardo A. Loyola.) MGA KANDIDATO SA BRGY.ELECTION GIPASIDAN-AN SA MAYOR NGA DILI MAMALIT UG BOTO ARON DILI MAG ATUBANG UG KASO Karong adlawa mao ang unang adlaw sa pag pangampanya sa mga kandidato sa pagka Brgy. Official ning atong dapit. Si Mayor Regencia nga maoy amahan ning atong dakbayan mipadayag sa iyang hugtanong pahimangno sa mga kandidato nga unta undangon na ang dautang estilo sa pag pangampanya nga mao ang pag pamalit sa tawhanon nga katungod panahun sa piniliay. Gipatin-aw sa mayor ning atong syudad sa iligan nga hugot niyang ipa monitor ang mga kandidato nga naka lapas sa mandato sa atong nasud o masakpan nga usa ka tikas ang ilang gihimo panahun sa piliay iyang gipasalig nga mag atubang ug kaso ang maong kandidato nga masakpan sa akto. Gitataw sa mayor nga karong panahuna wala siyay gisuportahan nga kandidato sa barangay kay gihatag niya ang katungod sa katawhan nga mupili sa ilang official sa ilang dapit. Ug kini iyang ipaila nga walang partisan tali sa mga opisyal sa kagamhanan local ning atong syudad. Dugang pa sa mayor nga buot lamang niya nga unta ang iligan mahimong limpyo ang piniliay ug walay dautang estilo nga mag patigbabaw ning atong dakbayan sa iligan..(jun lino) Approve for release: Jun Lino Bacus Officer in Charged CMO-CIO
Posted on: Fri, 18 Oct 2013 03:47:52 +0000
Trending Topics
Recently Viewed Topics
© 2015