*SAVE AND SERVE ILIGAN* DUYOG! BAG-ONG ILIGAN PRESS RELEASE NOVEMBER 12, 2013 BUHATAN SA MAYOR MIPAHIGAYON NA USAB OG BLOOD LETTING SA BRGY. ACMAC Mipahigayon niadtong petsa 10 ning bulan sa nobyembre tuig 2013 og dugang Blood Letting Activities didto sa Purok Vanda Barangay Acmac ning atong syudad. Nangulo sa maong kalihukan ang buhatan ni Hon. City Mayor Celso Gomera Regencia pinaagi sa pagpanguna ni Melchor Alquizola ang Chief Of sa buhatan sa mayor, Ms. Genevive Amodia sa Philippine Red Cross nga naka basi dinhi sa iligan. Ms. Karen Pernan ug Wilma Biniga sa Save Iligan Move People Against Crime And Corruption kun SIMPACC. Atol sa maong kalihukan na Check-up ang 50 ka mga personalidad nga gikan sa maong barangay ug ang 16 niini mao lamang ang naka pasar aron sa pagpakuha sa dugo ug edonar ngadto sa mga katawhang kabus nga nagkinahang sa panabang sa lokal nga kagamhanan. Ang mga dugo nga nakuha gikan sa nagpakabanang katawhan gidala sa Ctiy hospital ug sa buhatan sa Philippine Red Cross.-Eduardo A. Loyola. BARANGAY HUMAN RIGHTS ACTION CENTER PLANONG PAGATUKURON SA KAGAMHANANG LOKAL SA MATAG BRGY. Tinguha sa kagamhanang lokal sa iligan nga matukod ang Barangay Human Rights Action Center kun BHRAC sa matag Barangay ning atong syudad. Ang BHRAC usa sa mga Flagship Program sa Commission on Human Rights kun CHR sa nasud sa pilipinas. Tumong niini aron sa paghatag og mga programa ingon man ang maayong serbisyo ngadto sa mga kabus nga katawhan sa atong dapit. Kini nga kalihukan ang gitawag nga nationwide mobilization program alang sa pag proteksyon sa katungod ug adbokasiya diha sa barangay level. Basi sa City Ordinance no.13, ang ordinansa nga magpahimutang sa usa ka baranagay human rights action center sa matag barangay sa syudad sa iligan, Defining its Composition, Powers and Functions, And Providing Funds for its Operations. Kagahapong adlawa petsa 11 ning bulan sa nobyembre mipahigayon og Public Hearing si Hon. City Councilor Manny Salibay isip maoy Chairman sa Committee on Human Rights sa Sangguniang Panlungsod ning atong syudad. Ang pagmugna sa Barangay Human Rights Action Center suportado sa buhatan ni Hon. City Mayor Celso Gomera Regencia.-Eduardo A. Loyola. SUNOG SA BRGY. DEL CARMEN GITAGAAN SA PAG TAGAD SA KAGAMHANANG LOKAL Gi tagaan sa pag tagad ang nahitabong sunog sa Brgy. Del Carmen sa milabay nga adlaw nga Domingo diin ang maong sunog nag sukod kini sa alas 7:45 ang takna sa kaga bihion ug naundang ang maong sunog sa may alas 8:37 ang takna sa susamang kagabihion. Atol sa maong sunog adunay 7 ka balay ug 14 ka pamilya ang nawad-an sa ilang puloy-anan. Sa nasampit nga sunog adunay estimated damages nga mouabot ngadto sa Php 944,830 .00 sumala pa sa initial nga imbistigasyon sa City Social Welfare Development.(CSWD). Alayon niini mi mando ni Mayor Celso G. Regencia sa iyang ginsakpan nga tutukan ug ayudahan ang nga biktima sa sunog aron dili sila mag problema sa ilang pag balik ug pagtukod sa ilang panimalay. (Dante Daplin) KAGAMHANANG LOKAL WALA MAGKULANG SA PAGPANGANDAM UG PAG-ATIMAN SA MGA EVACUES-ICDRRMC Wala magkulang ang mga pagpangandam nga gihimo sa kagamhanang lokal , pinaagi sa buhatan sa Iligan City Disaster Risk Reduction and Management Office –ICDRRMO. Sa pag atiman sa mga evacuees diha sa mga evacuation center ilabi na sa barangay Santiago ug Barangay Tambacan panahon sa hulga sa super typhoon Yolanda. KIni ang pamahayag nga giluwatan ni Mr. Amable Estelloso ang Operations and warning In Charge sa ICDRRMO. Sumala pa ni Mr. Estelloso nunot sa kamandu-an sa Mayor sa Advisory alert and monitoring warning ilang gihimo ang hingpit nga pagpangandam uban ang pipila ka mga buhatan sa atong lokal nga kagamhanan ilabi na ang City Social Welfare and Development CSWD, u gang City Health Office ingon man ang City Engineer’s Office alang sa transportasyon. Karong panahona sumala pa nagpabilin gihapon nga naka alerto human mupagawas ang PAG-ASA ug weather bulletin kalabot sa lain na usab nga bagyong Zoraida nga misulod sa Philippine Area of Responsibility, nasigpatan sa Hinatuan dinhi sa Mindanao diin pipila ka mga lugar ang giisa na sa storm signal number one.|Ree J. Altres CITY AGRECULTURIST MOLO MIPADAYAG SA ACCOMPLESHMENT REPORT SA IYANG DEPARTAMENTO Gipadayag ni City Agriculturist Octavios Molo ang iyang Department highlights atol sa gihimong sinemanang programa sa City Hall ang flag raising program sa anahaw amphitheatre. Sumala pang Molo ang iyang buhatan sa City Agriculture unang gi-alagaran mao ang mga mangingisda ug mga mag-uuma. S a fishery sector uban sa pag-abag sa PNP Maritime ilang gihimo ang mga pagpangdakop sa mga illegal fishing apil na ang mga gidili sa pagpangisda sa fish sanctuary nga iya sa kagamhanan matud pang Molo adunay 24 ka mga individual ang ilang nasikop ug napahamtangan kini ug tag 2 mi ka pesos ang multa. Laing highlight mao ang usa ka milyon ka pesos nga proyekto alang sa mga mag-uuma gikan sa Departmnt of Agriculture pinaagi sa pagahimo-on nga Memorandum of Agreement tali sa kagamhanang lokal sa pag representar pinaagi ni City Mayor Celso G. Regencia ug sa department of Agriculture sa umaabot nga panahon.|Ree J. Altres ILIGAN USA SA UPAT NGA SYUDAD SA PULO SA MINDANAO NGA NAG INCOME UG BILLION KA DA TUIG Sumala pa sa nasayran nga dinhi sa pulo sa Mindanao upat lamang ka syudad ang nag income ug binillion nga era matag tuig.Ang maong mga syudad nga nag income ug billionmatag tuig mao ang dakbayan sa Davao,Cagayan De Oro,Zamboanga ug Iligan. Nasayran sa pinasubay sa pag usisa sa mga sakop sa media nakita nga ang dakbayan sa Cagayan De Oro adunay 80 milliones nga budget sa intelligence fund matag tuig samtang ang davao adunay 120 million ang mayor para sa iyang intelligence fund para magamit sa pag alkontra terrorismo. Lakip na ang dakbayan sa Zamboanga adunay 90 milliones kapisos nga budget sa intelligence fund sa mayor samtang ang dakbayan sa Iligan nga maoy ika upat nga dakug budget nga era nga miabot sa usa ka billion kapin matag tuig ug ang sangguniang panglunsod migahin lamang ug 1.5 ka million para sa intelligence fund ni mayor Celso G.Regencia.(junlinobacus) Approved for release : Jun Lino Bacus Office In Charge C I O
Posted on: Mon, 11 Nov 2013 09:21:49 +0000
Recently Viewed Topics
© 2015