SHISHAVAA-LOHO U AYANGE AYANGE TOMATAR AUGUST 21 BIBILO I ÔRON: DANIEL 6:1-5 OR U MIMI Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la kpa ve zua a ityôkwagh i bo shin ifer kpaa ga. Gadia a lu or u mimi je, man i zua a ma mtsum shin ifer ken ana kpaa ga. Ivur 4 Ngise gesa u ishu kôron gba hen tar ugen nahan orgen kpa za vea wan na. Kpa ve za tsuaa je ior lu a nyôr gesa ga nahan ve lu hiran karen iyol. Wan na za kôr zegeishu je lu ishu i a va zua cii kpa una ya iyua i hiihii yô. Ter na gema nenge agogo nahan shi kuma ahwa ahar nahan u iniongo a kuma yô. Nahan a kaa a wan na er a fa kwagh u a lu kpa, wan kaa er ei. Ter na kaa er a kende ishu shin mnger her shighe ngu a kuma ga. Lan wan ne ishima kpishi sha ciu or kpa lu u nana nenge shighe u ve kôr ve nana gba ijir ga, kpa ter na nyôr ityough ga yô mase kenden shimi zunguruu. U lun or u mimi u Kristu A soo la yô ka u eren kwagh u vough shin aluer ior mba nengen ga je kpaa. Ken tar wase ior mba hembe tesen mimi sha ashe a ior, ka vea za duen ken iuv je ve hingir kwagh ugen. Ken nôngo u Kristu kpa pe pastor alu ior cii ka ve er er mba me msôrom ga nahan kpa vea za duen ve tseegh yô u na ve katôn jimin kpa vea bee man ka mbakristu je. Tar wase vihi sha ciu se tese ônov asev u hiden a ishu kenden shin mnger ga, ka nahan iyev je mbayev ka ve hii u henen ifer zan zan ve ganden a mi. Daniel yô mimi u yange i tese un iyev la za hingir u lun ken tar u icaa kpaa lu tesen mimi la heregh. Wea soo u lun or u mimi yô hen u kenden ishu i sha ian ga la her. Aluer ior vea lu nengen ga kpa fa wer Ter u se eren mimi hen Na la ngu nengen.
Posted on: Wed, 21 Aug 2013 05:00:46 +0000
Trending Topics
Recently Viewed Topics
© 2015