Simeikhu leh Lungnawi thlawk (Space: Comets and Meteors) Tun hnai mai khan Aizawl chung zawna meteor thlawk an hmu a. Titi tam ber a tling hial awm e. News lamah pawh kan hmu vek tawhin ka ring. chuvangin, Meteor leh Comet chanchin kan hriat tlan theih nan tlem ka rawn tarlang ang e. Planet leh Thla chauh hian Ni an hel kual lo va. Lung lian pui pui te, Vur nawi leh vur tlang hrawl tak takte chuan Ni an hel kual ve reng a ni. An pianhmang pawh inang lo tak tak a ni hlawm bawk. A then chu Car aia te te a nih laiin, A then chu kilometer tam tak awh thei khawpa lian te an ni. Chungte chu Asteroids tih an ni. Chutiang Asteroid lian lutuk tak mai Solar system pawn lam atanga rawn thlawk lut chu Comet kan lo ti ta thin a ni. Hetianga khawvel pawna thil thlawkho kehthem chu khawvel chhungah an rawn tla lut ta thin a. Chungho chu meteors kan ti ta a ni. A then phei chu an len em avangin Khawvel tuamtu boruak su tlanga, alh ral seng lovin, leiah an rawn tla thleng thin a. Chungho chu Meteorites kan ti leh ta thin a ni. Solar System insiam lai khan Lung , gas, vaivut, vur nawi Asteroid te chu Planet-a insiam turin, an inhlawmkhawm ve lo a ni. Mahse Planet ang thovin Ni an hel kual ve ta ngat ngat mai a ni. Asteroid zinga lian ber chu Ceres a ni a, A eng ber thung chu Vesta a ni. Vesta hi mitlawnga Asteroid hmuh theih awmchhun a ni. Asteroid dang Trojan an tihte chuan Jupiter-in Ni a helna kawng thovah Ni an hel kual ve a ni. Kum 1801 kha asteroid hmuhchhuah hmasak ber kum a ni. Heng Asteroid hmuhchhuah reng rengte hi a hming atan Number emaw pek zel a ni a. A nih loh vek leh Greek ho Pathian hming emaw A hmuchhuaktuin hming a phuahsak ta thin a ni. Ni tin mai hian lungnawi (debris) chu Ton tam tak khawvelah an rawn tla lut thin a ni. A chang chuan zanah arsi thlawk emaw arsi ek emaw kan hmu thin. Hengte hian khawvel tuamtu boruak (atmosphere) an rawn sut chiah khan an alh taa, a tira lian tak pawh kha lei a thlen meuh chuan te tak a ni ta thin a ni. A then phei chuan lei thleng hman lovin an alh ral ta thin a ni. Heng tiang lungnawi rawn tla eng lut zuai zuaite hi Meteor Shower kan ti bawk thin. Comet tam zawkte chuan Ni an hel kual ve reng a. Mahse, Ni an helna kawng chu a zau bik hle a. chuvang chu a ni kan hmuh zen zen loh ni. Ni a rawn hnaih lai chauh hian kan hmu thei/phak a. A thlawk hla leh telh telh a, kan mithmuh atangin a thamral leh ta thin a ni. Simeikhu (comet) hian mei sei tak a neih chhan chu Ni a rawn hnaih telh telh hian a tui ve ta thin a. Chu chu Solar Wind in a lo chhem vak a. Gas tam tak chhuakin kilometer Maktaduai laia thui thlengin chung gas,ice leh vut tui (melt) te chu an inzarpharh a. Chu chu a mei kan lo ti ta thin a ni. Simeikhu te hian Ni an hnaih telh telh hian an thlawk chak telh telh thin a. A chang phei chuan Darkar khata kilometer Maktaduai 1.2 (2 million km/h) laia chak ten an thlawk thin a ni. Ni a hlat tak hnu chuan 600 mph (1,000 km/h) chauhva chakin an thlawk leh ta thin a. Hei vang hi a ni. Rei tak a thang bo vang vang thin ni.
Posted on: Tue, 08 Jul 2014 14:20:29 +0000
Trending Topics
Recently Viewed Topics
© 2015