So i was at Bashco - The Store That Gives You More and a lady walk in wid har son, cute likkle bwoy enuh suh mi seh Hey there little man, how are you? and started playing with the little guy, but yuh know dem pickney deh that are super bright, talk standard english and all dem madda duh a mek dem read books and watch Dora de Explora. suh de bwoy ask mi a question How do you put an elephant in the fridge? I said I dont know? den him seh You open the door and put it in there! Den him ask me another question How do you put a giraffe in the fridge? suh mi ketch on now an reply Ohh I know this one, you open the door and put it in there? him seh No, you open the door, take the elephant out, and then you put it in there. Suh de bwoy and him madda start laugh and people a gather round anna listen dis speaky spokey chatter-box, as I was getting irritated. Then he asked another question...All the animals went to the lions birthday party, except one animal, which one was it? Mi start feel a way now enuh cause mi get everyting wrong suh far an people a look pon mi like mi a ediat suh mi seh The lion? Den de bwoy seh No,the girraffe because hes still in the fridge. You all can imagine how mi feel by now. Then he asked me one more question....If there is a river full of alligators and you wanted to get across it,how would you? suh i replied LOOK YAH NUH, STORYTIME WID MS LOU DONE!
Posted on: Thu, 18 Dec 2014 12:32:03 +0000
Trending Topics
Recently Viewed Topics
© 2015