Sorry,post mein 2 dinn lagaane ke liye....!! Aaj hum aate hain doosre bhaag mein,,pichhle post ke second phase mein...! Baba bhi mahaan aur unke bhakt bhi mahaan...!! par Baba ka woh kaunsa maarg tha jo hum aaj tak sunte aaye hain bhinn-bhinn prakaar ke logo se...?? Kabhi socha hai...?? Jisne bhi Baba ke naam yaa rajneeti ko apne faayde ke liye kaam liya,,usne Baba ka maarg bhi khud ki sahooliyat ke hisaab se banaa aur bigaad diya...!! Koi kaam karvaaye toh Baba ka asli Bhakt aur unke jaisa Kisaan neta...!! Kisi Jat ko aage laaye toh,woh Baba ki Tarah diggaj Jat Neta...!! Kisi Rajput ko aage laaye toh,Baba jaisa Jat-Rajput ektaa ki Misaal...!! Koi kaam naa karvaaye toh,Baba jaisa nikammaa,jisne 52 saal mein Nagaur ke liye kuch nahin kiya...!! Koi Pan khaaye toh Baba jaisa Dabbang aur Bada Neta...!! Koi Pan naa khaaye toh usme Baba jaisa dumm nahin...! Koi cigarette piye toh,Baba ki jawaani jaisa...! Aur agar naa piye toh Baba ke jaisa mazboot will-power wala...!! Koi Pashu-mele mein jaaye toh Baba ka Bhakt aur unka asli uttradhikaari...!! Aur naa jaaye toh,woh Baba ka uttradhikaari nahin ho sakta...!! Khair,,likhne ko toh bahut kuch hai par agar ek hee dohe mein agar isko samjhaayein toh...?? Baba khadaa Bazaar mein, Apni raah samjhaaye, Jisko jaisa Samajh aaye, Waisa hee woh ban jaaye....!! Toh kehne ka matlab yeh hai ki,Baba toh ek soch kaa naam hai jisko log apne-apne faayde-nuksaan ke liye kaam mein lete hain...!! Jo insaan Supari tak nahin khaata,woh election ke time zabardastii Pan khaane lag jaata hai....!! Usko yeh lagta hai ki Pan khaana hee Baba ki soch thi...!! Toh phir agar yeh sab nahin tha,toh soch thi kya Baba ki Sahi maayno mein...?? Iss baat ka jawaab abhi kuch dinn pehle hee mila mujhe...!! Par jawaab bataane se pehle main iss sawaal ki haqiqat bataata hoon,ki kaise mere liye iss sawaal ka jawaab dhoondhnaa bahut zaruri tha...!! Yeh sawaal ek Polio-grast bachche ne poochha tha mujhse kota mein,,jab main Dada ki Barsee ke karyaakram mein shirkat karne kota gaya tha,ab se kuch saal pehle...! Uss bachche ne mujhe Kaan mein sirf ek line ka sawaal poochha....!! Aur woh sawaal yeh tha“Bhaiya aap sabhi uncle log,Baba ke raaste par chalne ka keh rahe thay,par baba ka asli maarg hai kaunsa,yeh toh aapne bataaya hee nahin....??” Main itne saalon se usi maasoom bachche ke sawaal ka jawaab dhoondh raha tha...!! Jawaab abhi kuch dinn pehle milaa jab aap hee mein se kisi ne facebook par ek puraani news paper cutting post kee...! jiska title tha “Mantri ke aadesh sunn kar collector rone lage yaa paseene aane lage....yaa aisa hee kuch tha...!! Jab maine woh column padhaa toh mera first reaction tha “Waah,kya rutbaa tha mere Dadaji ka...” Kisi aur ne bhi uss cutting ko share kiya toh ek dinn lagaa ki Kitna betukaa faislaa tha unka yeh aadesh...?? jisme likhA tha Mantri ne Muraina Collector ko Highway subah se shaam tak bandh rakhne ko kahaa....kyonki abhi Pashu aur Mirchi mele ke liye kisaan apne jaanvar aur fasall lekar bailgaadi se jaa rahe hain...! Uss highway par woh betukaa aadesh kisi ke liye life & death situation ban jaati hai,kyonki saari lifeline aur support ek hee jhatke mein khatam ho jaata hai...!! jiske paas car hai yaa thode se bhi sourceful hain,woh agar apni manzil par late pahunche toh shaayad kuch financial yaa aisa hee kuch loss ho jayega...Par agar uss kisaan ke saath hua toh naa toh woh jee paayega aur naa hee unka pariwaar...!! Ek galti se poora parivaar khatam ho jayega...!! Tab mujhe Samajh aaya ki unka maarg yahi tha ki kisi ke time ka nuksaan,,,uss gareeb aur uski poori family ke nuksaan se bada nahin ho saktaa...!! Yahee aaj ki sabse badi samasyaa hai iss desh kee...Ameer aur zyaada Ameer ho raha hai,,aur gareeb bechaara gareebi se bhookhmaree tak aur bhookhmaree se maut ki taraf jaa raha hai...!! hamare desh mein kitne Ameer hain aur kitne gareeb hain...?? yeh hum sabhi jaante hain...! Tabhi hum kehte hain ki iss desh mein 2 desh baste hain...Ek India aur doosra Bharat...!! Aur har guzarte dinn ke saath hee unke beech ki khaayee badhti hee jaa rahi hai...!! India ki aabaadi kaafi kum hai aur Bharat ki samasyaon ka koi anth hee nahin hai..!! Yahi tha Baba ka maarg “Bharat ki tarakkee...!!” Ab aap hee andaaza lagaa lo ki aaj ki unki party aur Neta kis ki tarakki kar rahe hai...? Baba ke jo aaj ke uttradhikari yaa so-called Waaris hain,woh pata nahin kis duniya mein Bharat ki khoj kar rahe hain...?? Elections ke time unko Baba ki Yaad aati hai aur jeetne ke baad,,,Ram-Hee-Ram....!!! Mujhe kisi se bhi koi personal dushmani nahin hai,,,par Jo Baba ke maarg ki nautanki karke yeh jo poora circus chal raha hai,,,woh theek nahin...!! Baba koi insaan nahin,ek soch thi,jo iss jeevan-chakra mein sabse neeche wali kadee ke faayde ke liye kaam karte thay...! unko pata tha ki sabse neeche wala tabkaa agar vikaas karega toh faaydaa neeche se oopar tak sabhi ko hoga...! Par agar faaydaa oopar se neeche ki taraf jaane lagaa toh,beech mein nipat jaayega...aur kabhi sabse neeche wali kataar ke insaan ke paas nahin pahunchega...!! Ek baar Rajiv Gandhiji ne Shri Atal Bihari Vajpayee Sahab ke ek sawaal ke jawaab mein sansad mein kahaa tha ki Vajpayee Sahab,main Delhi se agar 100 rupaiye bhejtaa hoon toh janta tak jaate-jaate woh 19 rupaiye hee bache hain,,aur 81 rupaiye sab khaa jaate hain...!! Aaj agar Rajivji Zindaa hote toh iss sawaal ka 2013 mein kya jawaab dete,,,apni patni aur suputra ki Sarkaar ke liye...?? Hum agar Delhi se 100 rupaiye bhejte hain toh Swiss Bank mein hamaare khaate mein jamaa hote-hote woh 119 ho jaate hain...! Ab mere jaisa koi bevakoof agar himmat kar yeh poochhle ki,bheje toh 100 hee thay,yeh baaki 19 oopar ke kahaan se aaye...?? Toh jawaab shaayad yahi miltaa,ki Bhai 100 ka byaaj bhi toh janta se hee bharvaate...Aur 100 ke oopar wale 19 byaaj ke ho jaate...!! Achhaa hua ki Baba 1996 mein hee Chale gaye,varna aaj apne desh aur raajya ko iss haal mein dekhte toh bahut zayaada takleef paate...aur woh takleef shaayad uss blood-cancer ki takleef se bhi zyaada dardnaak hoti...jo unhone apne aakhri dinno mein jhelee thi..!! Baba shaayad jeete hue itne kisaano ke kaam nahin aaye,,,jitne woh marne ke baad inn Neta-logon ke maarg banaane ke kaam aaye aur ab bhi aa hee rahe hain...! jiski jaisi soch waisa hee Uska maarg ho jaata hai....!! Bas woh Uska nahin BABA ka maarg kehlaata hai...!!
Posted on: Tue, 03 Sep 2013 06:20:44 +0000
Recently Viewed Topics
© 2015