TOMORROW AFTER THE CELEBRATION OF THE MASS LIVE FROM KISII DIOCASE, SUNEKA PARISH BY REV. FR. PAULINALIS MASESE, WE SHALL MEET AS USUAL AT THE ROYAL MEDIA SERVICES EGESA FM @ 4PM: ... LAETARE SUNDAY…4TH SUNDAY OF LENT YR A Christ Our Shepherd-King Cares For, And Heals Us! Readings: (1st: I Sam 16:1.6-13; Ps 22; 2nd: Eph 5:8-14; Gos: Jh 9:1-41) ekero togendererete ne’safari yaito ya lent, yeso nere nigo agandererete kworokia obonene bwaye ere buna omorisia na omorwoti ase abanto baye bechingencho ao ao. Bono rero kristo nigo agotworokereria buna ere buna omoakwa amaguta korwa ase ororeria rwa daudi agoto assure intwe riicho riaye buna goetera ase chinema chiobokonyi bwaye, nonya togoichorwa na obwoba chingaki chinyinge ase ense eye yo’mosunte, ere buna omorisia na omorwoti oito buna daudi okabere natobarerie oborabu ase chinchera chiaito na gotoikia ase oborwoti bwaye. Ase igo, ase omokubio oyo o kane o lent tokoroka LAETARE, ekerisia e kegotochika tosasoke ekiagera, kristo oyo ore omorisia-omorwoti nigo agotochichera ne’chinguru, no’bonda na obosiani ase enchera ya bene erio gotogwenia korwa ase obouko bwaito bwa kemobere na kemoika obwo bogototanga titoikerani komenya obogima bwaito buna etogwenerete. Nigo erwete gokora boiga ase engencho atwanche naende atorwanererete obogima bwaito kobua getongire kende gionsi. ase ogosoma ogotang’ani e tokonyora buna ekero daudi omorisia agokorwa omorwoti, samweli tatumegeti chinguru gose ebirengereri bia kemwanyabanto korende nigo achiete buna achigetwe goika ase enyomba ya yese bethrehem buna nyasae amochigete. Nabo yarenge konyarekana agende ase enyomba ya zebulun, Naphtali gose ande aao, gose ande ang’e sobo igabwo atunie monto onde bwensi amaguta. Korende akagenda koreng’ana nogochika kwa nyasae korende tari buna ebirengereri biaye. Ninki togosoma korwa aiga? Ritang’ani, Ingaki chinde chionsi totari koigwera omoika omochenu n kogenda mamincha yogochika kwa nyasae twakora buna ebirengerero biato bitoete nigo tokonyora okoragererigwa, na nigo kogotochera ase chinchera ao ao ase engencho yogotaigwera gwaito... eriakabere, goika tobe abaremereria ekero twabogoirie ogochika kwa nyasae, goika toteme korigereria oboremereria na obwekeyia bwa samwel kobua mono ekero atebete, “genda momorente, titogoikaransa koria goika ochichire” samwel agatenena akaganya goika daudi agacha, tarosete koganya goikera ase ogoaka omonto omoao amaguta ekiagera omonto nyasae aganetie tarengeo. Eriagatato, totobaisa koa amaiso aito ribaga atong’aine, samwel akaira ribaga rinene gotegerera okogania kwa nyasae ekagera tang’aineka nobotambe, ekieni na nobonene bwa eliab momura omwabo daudi. Egento kiogokumi nkeri buna abange baito chingaki chinyinge nigo tokoragwa nebieni gose ebinto biria tokorora ase abanto kobua mono ekero togochora abarai baito ebe na’bense, gochi ase chikanisa chiaito. Ase engencho eye ‘The result has always been catastrophic.’ Korende ekero togokora ogochora okuya tokoragwa na omoika omochenu ‘people are liberated, the blind see, the lame work, the hungry are fed, the poor become rich, the aggrieved and afflicted become satisfied and harmony returns to both the individual and the entire nation. Yaani abataka, bakonyo obokonyi, emeuko banyora okorora, amagata atara, na ense yonsi yaichorwa na obomo. Ase ogosoma gwa kabere, Paulo nigo agotoinyoria buna twarenge abwo omochakano kristo ataracha gotoboria korua ase omosunte bwe’bibe. Ekebe nigo kegotuntuba ebirengererio biaito ase omosunte na gosieka chinkori chiaito korwa ase obwanchani bwa nyasae na ekeene. ngoetera ase oborabu bwe’keene kia nyasae toranyare korora ekebe buna gekororekana. Ekebe nokwanga nyasae na kogenda mamincha no’kogania kwaye. Abafarisayo nigo barenge koreng’ania ekebe amo no’bouko buna tokorora ase ebanchiri ya rero. Ekero amariko agendererete gotwororkereria buna, ekebe nigo kegokora emebere yaito na ebirengererio boigo na emioyo yaito yarwara, nonya nabo tari amarwaire onsi korende ngoetera ase ekebe. Ase go Paulo nigo agotochika buna, “menya buna abana bomobaso, ekiagera ogokora kwomobaso nigo gokomanyekana as oboikeranu na ekeene.” Nigo togokora iga ase ogotema mono komanya na gokora eki omorisia na omorwoto oito agotochika tokore. Eki Paulo agotoraga aiga inkeri buna, yeso kristo omoakwa amaguta nere oborabu boria bokobarera obogima bwaito. Komenya isiko yaye nakwo ogoteba koigwanana na omosunto . ase igo goika tokore omokia ase amagoro aya a lent tochiche ang’e na kristo oyo ogotoroisia na ere oyo ogotworokia enchera na okogwenia amarwaire aito a kemobere na kemoika. Ase ebanchiri ya rero, e tokomonyora yeso akogwenia omouko. Aiga yeso akworokia obwanchani bwaye kobua mono ase abarwaire na abachandegete. Ere buna daudi e sokoro yaye nigo tokomorora akogenda isiko koroisia riicho riaye ataoboeti kende gionsi. Egento kende ki engencho mono tokonyora ase ebanchiri ya rero ne riborio abaorokigwa baye bakomobori, “gati yo’monto oyo na abaibori baye, ning’o okorete ebibe? Goetera ase riborio eri nabo okomanya buna abatomwa nigo bamanyete buna mochando onde bwonsi nigo ogochicha goetera ekebe. Either, goetera abaibori gose omouko omonyene. Ase engencho aiboretwe kare omoko igo nonya nabaibori baye nigo bairete buna nabwo bakorete ekebe. Korende aiga e tokomorora yeso akoiraneria ase obwango buna, “tari baibori gose omouko omonyene bakorete ekebe, korende erio chinguru chia’nyasae choirokigwe. Ase igo amakong’u nigo agotonyora ase engengencho yechisababu ao ao. Naki Paulo agotoinyoreria ase egetabu kia rom 8:28, “ase kende gionsi, emeremo ya nyasae nigo ekweorokia ase baria bamwanchete. Ase igo ekero omouko oria agwenetigwe nigo araretie erieta ria kristo na gwetogeria obonene bwa kristo. Nonya nabo goika toinyore buna nonya kristo oorogetie buna tari emechando yonsi ekorentwa na ekebe, goika toinyore boigo buna ebibe bionsi nigo bikorenta emechando. Egento kende ekenene togosoma korwa ase omouko oyo noboigweri,-ekero atebetigwe agende esibie ase ribwago ria siloam, nigo aigwerete ase obwango na omoerio oye akagwena. Abange baito chingaki chinyinge nigo tore sturbbon, titori koigwera amachiko yo’monene ase obwango erinde tonyare kogwenigwa. egento kende gia’kabere togosoma, nokoba nokwegena, na obomaene, “we must be consistent with our words, faith, convictions, and the truth. Nonya omouko oria onyorete amaborio yokomochanda korwa ase abafarisayo, nigo agendererete ase obomaene tachika gokana yeso buna nere omogwenia. Akagenderera korwa oborori buna, “omonto okorokwa yeso nere ontebia ngende nyesibie ase endiba ya siloan na ekero nesibia nanyora nagwenire..he is a prophet,..ere nomobani..! koreng’ana na St. John Chrysostom: “abafarisayo bakamoseria korwa ase ekalu, korende omonene bwe’kalu akamonyora.” Ase igo onye okomobera kristo kerori gokogera twangwe na abaminto, kristo omonyene nigo agotosukia gochia ang’e nase are. Paulo omanya gottonya iga ase eph. 5:8-12, goika twetange korwa ase omosunte bwe’kebe erio tonyare gotara ase oborabu bwa kristo. Ase igo abaminto ekero togenderete ase esabari eye ya lent, titobaisa gotiga obouko bwaito bototange titorora eki kristo agokora ase amagima aito, akorwa ase amagima aito na eki aganeti ase amagima aito. Goika togenderere gokwana amo na saburi 22:1, omonene nere omorisia one, tinkoremerwa..
Posted on: Sat, 29 Mar 2014 12:04:15 +0000
Trending Topics
Recently Viewed Topics
© 2015