The Chinland Post THAWNGTHANHNAK & NAWLNAK =========================================== * The Chinland Post thawngzamh ca chuah cu kumthar tiang kan i din cang lai. December 20 hi a hnu bik chuak a si lai i 2015 January 9 ah a chuak qhante lai tiah thawng kan in thanh hna. * The Chinland Post cawk le rel man tlamlingte in a pe rih lomi paoh nih nanmah le nan umnak khua le sang caphawtu (agent) sin ah a man nan rak kan pekpiak dih naklai le caphawtu hna zong nih X’mas hlan ah a ba a ummi paoh nan rak kan ap dih cio naklai toidornak he kan in nawl hna. * 2015 Januarty thla thawk in The Chinland Post (Hakha, Falam le Matupi) thawnglatu ding (nu zong pa zong) mi kan herh. Rianquanning le thlahlawh kong he pehtlai in The Chinland Post zung (Hakha) asiloah Ph: 09402667137 ah pehtlaihnak tuah khawh kan si. * TCP, Vol. 2, No. 82 (December 12) chuak cahmai (3)nak i Australia cozah nih 2015 ah Chin ralzaam 2000 tluk a lak rih lai timi tlangtaar cahmai pakhatnak ah, President Pu Hreng Ling tiah kan qial palh sualmi kha “Pu Hre Ling” tiah nan kan relremhpiak naklai kan in nawl hna. * Ramchung, ramleng in dawtnak le siaherhnak he TCP thawngzamh khuakip nan kan hlutpiakmi zong 2015 January thla ah pehzulh in kan rak in kuatpiak qhan hna lai tiah thawng kan in thanh hna. Ramchung, ramleng in The Chinland Post a kapkip in tha a kan petu nan dihlak cung ah lunglawmhnak chimcawk lo kan ngei. Christmas lawmhnak le daihnak nan cungah um ko seh!
Posted on: Wed, 24 Dec 2014 10:25:57 +0000
Trending Topics
Recently Viewed Topics
© 2015