The Shadows of Love I awmna hmun atangin min rawn hreve reng thing ang che... Nghilhlohna Pàr min thliah la.... Tawp thei lo tur Hmangaihna I tan ka dah hi ka thin lungah ka vawng reng anga, I tàn ka hlàn bàng lovang. Lalnu Estheri chanvo ang kha ka pe ang che anga, Khawngaihna chunga Hmangaih berna thinlung min hlàn ve ang che. Zan a rei a, nang ngaih tizual tawk tura ruah sur tepawh hi Van malsawmna chu ni mah se Bengchheng tih tlat na ka nei leh thut thin nain....Engkima mal mimsawmtu chuan ruah min pek phal chuan in hmangaihtawnna leh induhtawnna min pek phal ka ring leh ta zawk a ni. I tello a ka khum zauh zia chu Los Ageles vela Double lane High Way zau tak ansawi chu nep hle in ka hria.... I hming lam theih na aw min petu Lalpa chu ka fak a. Nang ngaihtuah thei tur che a, thluak min petu Pathian chu ropui ka ti a, Engtik Lai pawha hrereng tur che a Hriatrengna minpetu Khuanu hi ka chawimawi zo lo ang tih ka hlauh a vangin, Lawmthu min lo sawi pui ve thin ang che. Nang ngaihtuah chungin He zan khawharthlak takah hian Khawvar tur ka nghak a, Ka dam a, naktuk khaw eng duhawm tak ka hmang leh a nih pawhin, Engkim ti mah ila ngaituahna thinlung hauh hmasa bertu chu I ni tho dawn a, mahse... Mihringte hian Thlarau khawvel kan nei tak a lawm tiin, I hlimthlà, I rauthla chu ka hnungah ni lovin ka sirah rawn tir ang che.
Posted on: Tue, 29 Jul 2014 17:48:41 +0000
Trending Topics
Recently Viewed Topics
© 2015