The lord has really saved me today, please help me to glorify his holy name. Infect drink any liquid thing close to you in my name, i will foot the bill. Today my friend invite me come her party, she no tell me say na pool party, when i reach no be small thing person need to enter swimming pool. The useless guy were follow me go, we never even reach na him this guy remove him cloth enter. Come they call me Zico enter na, omo me i never enter water before oooo, but shame no let me talk say i no fit swim. Because fine girls they inside the pool, u no how e dey be na for girls inside water? with their swimming cloth omo come see bobi. I say no ooo i most enter this pool oooo, i rush remove my cloth enter this pool. As i enter this pool, my leg no reach ground, i still dey enter at a time i no see people, na only noise i dey hear. One mind come tell me say guy na die you dey so ooo, water don dey carry you ooo. I say for were me way be strong man, i dey try made i match ground for were i still dey go deep. D thing come tire me, then i say make i go up, for were i not fit i say God i don enter on chance today. Then one mind say make i finish this water, say the water small omo i open mouth begin drink water. One mind say make i close mouth say the water too big i no go fit finish am. Na him i close mouth ooooo, where i see my self na where people they look me. Na one girl save me ooo, i never no waiting happen. As people dey look me, i wan pretend i begin tell that my guy. Guy na wa oooo i no know say i fit swim oooo, i never enter water b4 only 2day, and i swim like this i be strong man. Na later the guy tell me say i get luck say na woman save me. Abeg make una follow me thank God oooo, i see some thing today to even eat na problem as water don full my belle.
Posted on: Tue, 24 Sep 2013 18:40:54 +0000
Trending Topics
Recently Viewed Topics
© 2015