Tulio Phungki pawl nih Buddhist biaknak Upadi an tuahmi hi khrihfami nih zeitindah kan hmuhning a si ve?? ===================================================================== By Paul Khin Maung Thein. Buddish Phung ki U WiYahTu(969) Upidi nih Miphun kilvennak upadi a hun chuah pi.Times Makazin nih The Face of buddhish Terror tiah a ti mi kha a si.Buddish nu nih buddhish pa lawng he I thit umh ding.Thil cawk tik le khualtlawn caan zong ah 969 dawr thengmang ah cawk le umkal ding. Lam ah harsatnak a tongmi nan hmuh hna tikah 969 buddish a si le si lo nan zoh hmasa hna lai. Zei nan tuah poah ah 969 min in nan tuah lai timi a au pi. kawlmiphun a simi poah nih Buddhsih an si a herh i ram le miphun a kilkamh in a zohkhenh lai a ti. Kawlmi le buddhish cu then khawh a si lai lo. kawl ram “Golden Land “an tinak cu an Pura biaknak poah ah Sui muici in sakmi kha an chim duhnak a si. Mah upadi hram fehnak caah Hluhdaw nih hnatlalkpi ding in minung ting10 leng nih min an thut cang. kawl ram ah 86% cu Buddhish biaknak an si. Cozah nih uknak le an thil ti khawhnak le tangka an hman i Religion Affairs zung hna a tuah. Phungki le Nahtahlah sianginn pawl cu an mission karhternak a hrampi an si. Chinram kan vawlei cia cungah kan mah le kan zumhnak vailamtung kan phunmi vialte phur a si lio ah annih Pura vial cu pakhat hnu pakhat an hnuai duahmah. Buddhish Pura le an biaknak inn 1958 a um cang. Nai ah Falam khua ah Tet Mon Myint nih Pura biaknak sak ding caah kyat 100 hlei a hlut, Mah hlan ah motor a hlut, Falam mipi nih Pura sak ti lo dingin duhlonak ca an kuat. Chinram ah Buddish mi 60199 an si cang. Chin Buddhist nih Chin Yong Chi mekazin voi 5 nak tiang an chuah. A hlan ahcun Chinram hi khrihfa ram a si tiah an ti. Atu ah Chinmi cheukhat cu hmundang le ramdang ah an kal an pem cio tikah kan ram ah kawl buddish cozah riantuantu hna le buddhish mission riantuantu theih lo kar ah a hun karh chinchin. Kawl cozah policy nih an kan influenced tuk cang. Buddish an karh ning a rang tuk. Chinmi hna Chinram caah kan hna a ngam peng rih ko lai maw? Chinram cu 100 ah 90% khrihfa ram a si ko tiah an rak au pi mi chinram cu kawl nih kum 60 hlei an kan uk chungah an tuhmi thlaici a keuh. Ahram a fek, Mit hmuh khawh in a theipar a tlai cang. Buddhish ni sunglawi ni hna ah Chin bawi u pa hna nih buddhish Pura inn ah an kal ter hna. A ruang cu cunglei in fial chommi order in kalter mi hna an um .Chinmi nih hmundang ah mission rian kan tuan lioah kan inn le kan lo hna cu midang kut ah kan pek hna lai maw?
Posted on: Mon, 10 Nov 2014 00:18:19 +0000