UNO Conference ah Zomi Makaite ....................................................... A 65 veina UN DPI/NGO Conference pen UNO Headquarters, Trusteeship Council Chamber (Conference Building),New York, USA ah August 27-29,,2014 ni thum sung kinei a, gam 117, NGO 900 pan Tangmi (Representative) 4000 val, kihelthei hi. Tua sungah ZIUSA zong Civil Society khat ahihna hangin NGO Taangmi (Representative) le Consultant min tawh Pu Go Sawm Khup (President- ZIUSA),Pu Do Khan Khup(GS/ZIUSA), Rev. Pau Khan Khai le EC sung pan makai vekpi 30 kim tangmi in kihelthei uh hi. Tua banah Kawlgam pan Pu Gin Kam Lian (GS/ZCD), le Siamah Esther Cingsante zong va kihelthei uh cih kiza hi. Hih UNDPI/NGO Conference ah Mr. Ban Ki- Moon (UN General Secretary) in hun honna le makaite muakna nei a, H.E. Mr. John W. Ashe, President of the 68th session of the General Assembly in zong thugenna tom nei hi. Tua banah Ms. Samantha Power, Permanent Representative of the United States of America to the United Nations in zong tutung Meeting kah NGO bangzah cihte le lungdam thugenna nei hi. Tutung UNDPI/UNO tungtang ah 2015 and Beyond cih thubulphuh in kinei a, mai 2015 kum akpan leitung khuahun kikhelna (Climate Change), bangci kep ding cihte le zawnna (Proverty) bangci kiamsak ding cihte kikuppi in nei uh hi. Tua ahih manin tutung UNDPI/UNO Meeting ah Zomite zong UNO ah thukuppih thei Consultative and Representative khat ahih tawh kihelthei i hih manin, mai lam Zomi le Zogam mabante puah le zuun zia ding muhna le hanciamna thak kineithei ta ding cih lametna le thungetna hisak ding hi hang. Abeisa hunte ah Zomite pen UNO khawmpi kah thei cih genloh, UNO zumpi nangawn a mu khalo minamte i hi a, tu petpet in Pasian in namdangte tawh kikim in hong lamto ta ahih manin Topa min kiphat semsem ta hen. Topa aw.. Zomite hong makaih in! Ref: UN Live Webcast & Pu Do Khan Khup Source:Tongsan media
Posted on: Thu, 28 Aug 2014 17:52:12 +0000
Recently Viewed Topics
© 2015