...WHAT GOES AROUND COMES AROUND Nikhat chu vur tla nasa tak hnuoia hia nu pakhat, a motor ke asiet leiin lam sirah alo ngira, dei ati em em em a, sienkhawm darkar khat chuong ngir hnung khawm chun thangpuitu ding reng ahmu thei sinaw! Mangang takin khawdei hnuoia chun ngir ta tlawk tlawk el ani. A hnunga chun mipakhat hin hung hmua, chuonga vur tla le khawdei tak hnuoia nutling, upa tieng tah, motor sungah khawm um loa, abula mangang hmel taka ngir ran a hang hmu chun, harsatna atuok a, thangpui angai ani hi ti ahriethiem nghal el a. Chuonga amotor ngirna bulah chun atlan phei a, angira, motor a inthawk chun asuok ve ta a. Chunga thangpui dinga ahang fe chu, chu nu chun alo ti letling lema, asan chu sawttak hnunga khawm tukhawma an thangpui an tum naw lei le misuol tading chun chu hun chu chance thatak ding khawm ani a, innui puma chupa hung suok dak dak chu angai a thanaw a ani. Chupa chun ahmel ahang en chun a lungril ding chu ahriethiem puia,a trithawng ani ti khawm a umdana inthawkin hriet theia. Nutling kuoma chun mi tri naw rawh, ka pi, thangpui ding chea hilai hmuna hung hi ka nih, khuo adei hle si a, i motor sunga khan lo va um lum la, ka thei ang angin ka thangpui ding che a ni, ka hming chu Bryan Anderson ani tiin ahril ta a. A motor ke sietna chu ho te, atire siet leia thleng ngai ani a, athlengna ding aspare khawm a motor hnungah a um ran ani, sienkhawm ama, nutling, kum upa tieng tah tading chun, thil awlsam tak ani naw a, mangang phana khawp ani. Chuongchun Bryan chun amotor hnuoia chun bawkvak lutin jack akam ta a, chu hnung chun ake tire chu athleng pek ta a. Sienkhawm athuomhnaw abal angai a, akut asukna bawk ani. Chuong Bryan-in motor ke athlengpek hnung chun chunu chu amotor tukver chu asukhnuoi a, abiek ta a, St.Louis a inthawka hung ani thu le chulai hmun chu hung hraw angai thu ahril a, sawttak sung thangpui tu ding khawm ahmu zo tanaw hnunga, chuonga ama thangpui dinga ahung lei chun achunga alawm hle ani ti ahril sa ta bawk a. Bryan chu innui pumin motor kesie chu ahnunga chun asietha pek a. Chu nu chun iengzat am anchawitir ding? ti andawna, hung thangpui tanw sien! Iengtin chiein am buoina atuok ding? achungah iem athlung ding? ti angaituo a, iengzat khawm mi hni sien pawi atinaw thu ahril nghal bawk ani. Sienkhawm, Bryan chun, chuongang reng reng alo ngaituo naw el a, athilthaw kha sinthaw ah anngai nawa, thangpui ngaihai athangpui ani ti ahrieta, chubaka, ahun liem taah khan mi tamtakin thangpui angai naah anlo thangpui ta hlak a, chu chu ahrechiengtu Pathien a um ani ti ahriet bawk a, chuleiin hi hun hi atading chun midang thangpui ve theina chance ani ti ahrietchieng hle bawk ani. Bryan chun chu nu kuoma chun mi rul inuom takzet ani chuan, iengtik nia mani midang thangpui ngaia an um ihmu phat , i theina phawtah thangpui la, kei hi mi hung hresuok hlak raw tiin ahril a. Chunu tlanliem hnung chen chun Bryan chun atlir a, afe liem ve ta a. Chu nu chun vangnei anti hle a, atading chun ni thanaw tak nisien khawm, kawng khata chun vangnei a inti tak tum ani bawk a, chuongchun hlim tak le vangnei inti tak chun atum ram chu apan ta ani. Mel tamtak atlan hnung chun lampuia thingpui dawr pakhatah chun, in thlung hmaa chawl hadam malama, thil fa dingin achawl a. Tuola chun gas pump pahni hlui tak el hi a um a, chulai hmun chu ala chawl ngainawna hmun ani. Waitress pakhat chu abula hungin, ahmaa a motor siet laia tuola a um leia alu hu deu duoi chu puon fai takin a hruk hul peka, waitress chu thlariet velding nau paiin anrai pung ta ani ti ahriet theia, ahmel enin chuonga inrai pur ta i thingpui dawra sawv taka ala inhlaw chu,an harsa ve hle ani ding hi ti ahriethiem el a. Chuongchun angaituo a, chu waitress, inrai, hratnaw tak ti hriet tak, ahmel en khawma an harsa ani ti hriet em em el ina mikhuol satlie nawknghal, hmelhriet khawm nilo, chunga alu hu hai hruk hul peka duot taka alo lawm chu mak atiin, fel khawm ati hle a, chu lei chun Bryan kha ahrietsuok ta nghala. A fakding a fakzo hnung in, chu waitress nu kuoma chun $100 apek a, waitress ina pawisa nawi let dinga fe kar chun asuok ta dai a, waitress chun chu nu fena lam chu zawngin atlir .....to be cont.
Posted on: Fri, 10 Oct 2014 15:58:12 +0000
Recently Viewed Topics
© 2015