WILLEMSTAD-En konekshon ku Luna mundial di Alzheimer djasabra awor 14 di Sèptèmber Fundashon Alzheimer ta bai tin un atardi di informashon pa pueblo di Kòrsou riba Brionplein di 16:00 pa 19:00 . Minister Jeanne-Marie Francisca lo hasi apertura di e atardi di informashon. Durante di e atardi lo bai tin diferente orador ku diferente tópiko tokante di e malesa, lo elaborá tokante di e metanan di e fundashon, lo bai tin e.o neuropsychologo, hurista , for di Boneiru nos lo tende nan eksperensia tambe ku e aktividatnan pa e persona ku tin e malesa di Alzheimer i eksperensia di un famia ku tin un persona ku e malesa di ALzheimer. Durante di e atardi lo bai tin diferente mesanan di kompanianan I institutonan pa duna informashon tokante di e malesa e.o: P.S.I ( Skuchami),Wit Gele Kruis, Dr Hugenholtz, Birgen di Rosario, Nos Orkon, Botika St Maria, Mipacs, Dina Veeris, Novartis, Phyzer, Curaçao Pharmacal y Fundashon Mariadal Pa entertainment nos lo bai tin grupo di folklor i un trio. E lo ta un atardi di informashon grátis pa henter pueblo di Kòrsou pa selebrá luna mundial di Azheimer. Pa mas informashon por yamá na ofisina djaluna-djarason-djabierne entre 9 or pa 12 or : 462-3900
Posted on: Mon, 09 Sep 2013 02:42:14 +0000
Trending Topics
Recently Viewed Topics
© 2015