WORD Bini’anit’ą́ą́ts’ózí - The Crescent Moon of Early Ripening of Crops Bini’ - coming near or up against anit’ą́ - ripening ts’osí/ts’ózí - skinny, very little, Bini’anit’ą́ą́ts’ózí dahiitą́ągo hááhgóshį́į́ nitsidigo’í shił át’į́. (As we see the Crescent Moon of Early Ripening of Crops, I’m looking forward to tasting that kneel-down bread.) CULTURAL NOTE Áłts’íísígo anit’ą́. Áłts’íísígo neest’ą́. Áłtsé yikahígíí t’áá áłts’óózígo danit’ą́. Éí ááhyiłní jiní. T’áá shį́į́ ałtso ááłha’ní. Bineest’ą’, bit’ąą’, bit’a’, bighaa’ índa dahiinaah. Nanise’ jígo bit’ąą’, bik’ǫ́ǫ́’, dóó bináá’ danit’ą́ bich’į’ dahodilzhish. T’ahdii nidahałtin. Éí bee da’néesé dóó yee nanise’ dahiinaah da’dínóot’į́į́ł biniiyé. Ch’il nanise’ danilínígíí ła’ azee’ danilį́įgo nááná ła’ éí ch’iiyą’ danilį́įgo danéesé. Dahnáánéitįįh bich’į’ hodilzhishgo danit’į́į́h dóó hasht’e daalne’ náasdi choidoo’įįł biniiyé. Dá’ák’eh haz’ą́ą́jí naadą́ą́’, naayízí, ch’ééhjiyáán, dóó ta’neesk’ání bineest’ą’ dahdadíníiséehgo hááhgóshį́į́ baajáda’jólnáago baa ádahojilyą́. Iłhózhǫ́ náyooshǫǫł dóó iłchohoo’į́ ániid ánáyoodliił. Díí bik’ehgo ahíłká’anínáájíjah. K’é hózhǫ́ bee hółdzilgo náájookah łeh. (The time is coming to where the crops are beginning to ripen. The first plant including the corn and other crops are shifting from vegetative to reproductive stage. That’s what this crescent moon indicates. It also encompasses all other life forms including animals, insects, birds and even humans. The corn cobs begin to show, the fruits develop, the new birds’ feathers are close to full growth, the wool on sheep is beginning to grow large again. For the plants, the seeds begin to grow. The monsoon rain continues to provide moisture in this growth cycle. With the moisture, the plants will once again provide food, medicine and healing for the people. Toward the end of this moon cycle, some are harvested and prepared for later use. Meanwhile, in the cornfields, ears of corn, squash and melons bud. People are happy and continue to take good care of these buds and fruits to continue growing. Seeing them renews happiness and hope. Naturally, people continue helping each other and kinship relations among The People are strengthened once again.)
Posted on: Wed, 30 Jul 2014 16:34:38 +0000