Well if I was writing to a friend it would go like this: Dear - TopicsExpress

Alvin Narine

Well if I was writing to a friend it would go like this: Dear Fren, Boy, ah is writin dis because is now ah confuse. Ah was advise to think an simmer but all that happen is that ah simmerin mad. Boy, de people sayin all kina ting an is me to pick sense outa de nonsense some ah dem preachin. Now ah doh know if d plan is to start kiksin in Parliament but for truth I would love to kick some ah dem out! Now, de Prime Minister sheself. Like dey have she tout tool bey, she so confuse dat she ent know if she comin or goin. I would like to see she go but she ent takin no bait. Now ah doe kno what will happen on Monday but like we shapin up for a big fite. D only ting I fine strange - boy, you know how dem Trade Union leaders like to be in every ting. Well on dis I fine dey quiet, quiet. I tort dis was ah national issue but ah feel dey get ah zeppo - is Industral court fuh dem if dey only open dey mout. You know ah doh want to be faseefush but ah wonder how some ah dem does have chirrun - boy, dey rel sorf, sorf now. Anyhow, ah gorn. Ah have to keep up wit dem comments. Dey comin lef, right and centre. Ah go keep you inform on how de baccanal shape up on Monday. yuh fren alvin

Posted on: Sat, 09 Aug 2014 15:04:53 +0000

Well if I was writing to a friend it would go like this: Dear - TopicsExpress

Recently Viewed Topics