YIMI LOWO Chapter 11: Konke okwakusenzakala unakaSilethemba wayekukhangele. Kodwa kazange athande ukubuza ebantwini. Ahamba lamalanga kwenziwa amanzi( isikhumbuzo) sikaMatshuma. Wazilelwa ngumnawakhe lo owayembathele ingubo. Sokwenziwe konke lokhu unakaSilethemba laye kwasokumele aphindele kwakhe,kodwa wayengeke athi phulukundlu ahambe engazange adinge okuqedu nina. USilethemba loba nje wayesazi ukuthi inyoka zisekhaya kathandanga ukukuveza bengakabhodi. Kungakho kwathi ntambama nje bekwejisile waqala udadewabo kambe bafowethu umama wafa njengobunyonyo lathula kuhle? Lo wawungumbuzo odinga impendulo nta. Bakhangelana abafana kwangathi imilomo ithungiwe. Omalukazana bona bahle baminyezelana emnyango baphuma. Phela babehlala besizwa ukuthi unakaSilethemba libhunu. Bathi besazidonsa besiyezindlini zabo wayesebamemeza emnyango. Babezakuthini labo besazi ukuthi umuzi ngowakhe baphenduka. Bafika bayaminyana ngemva kwesivalo. UnakaSilethemba wabacela ukuthi bavele njalo lelo cele ababehlezi kulo ngelamadoda kabaze kwelabo mama. Ya bezwa kuqanda eziswini angathi kwakukhitshwe amathumbu eziswini zabo. Basukuma bemadolo nzima beqhuqha ngathi bangenwe ngumqando. Wakunanzelela lokho unakaSilethemba wasebuza kanti laqhuqha kangako yini yini? Phela ngabona lamhlawomgcwabo kungathi kukhona okutshaya manzi. Imilomo yayisiqumekile babefisa ukuphendula beyivulile imilomo kodwa kungaphumi mazwi kiyo. Wabona laye ukuthi zonke impendulo ayezifuna ngeke azithole. Wasesithi ngakusasa kuzamele kuphunywe kuyedingwa okuqede unina. Amadoda ayengazi lutho ayemzonda unina ngoba sebadliswa,ngokwesaba zonke indawo bavumelana ukuthi kuzahanjwa. Omalukazana basebephethwe ngumzwangedwa basebevika ngokuthi abantwana bancane ngeke babhode lezinyanga. Wavuma engavumi wathi uzakuza laye lowo muntu azekhuluma wonke umuntu esizwa. Umalukazana omdala umafaka ekudleni wezwakala esithi kakubuzwe khonale kulokuthi baze laye ekhaya. Wathi wesaba ukuthi umfundisi kaninazala uzakuthini sebona inyanga yena ubekhonza kuye. Lapho ke bavungama laphendlini sebevumelana. Kwathi umamazala omncane wath ngeke sibhode sodwa sicine khonale kusasa lizakuthi silibambe ubuthakathi kungakho leyo nyanga izazotshayamathambo khonapha. Bavuma babezakuthini betshelwa bengabuzwa. Sekukhulunyiwe bavalelisa omalukazana bayalala,uninomncane wabuza amadoda ukuthi kwenziwa yini ukuthi bayelala abanye belinde unina bona bayelala. Baqamba amanga bethi babelobuthongo pho lokhu babelele bemusa esibhedlela. Wahleka unakaSilethemba ngoba wayesezwe yonke indaba kusukela ezitolo waze wazofika ekhaya. Bahle babona ukuthi isimo sibi bayazi yonke indaba laphekhaya. Bona abazange bavalelise baphuma belandelana angathi bayabuya kodwa phinde. USilethemba kwakumzwisa ubuhlungu impilo abeyiphila logogo wakhe kungakho kathandanga ukutshona etshaya inja efihla umphini. Wavula sonke isifuba sakhe unina wezwa edabuka njalo ezisola ngokungaziphathi kwakhe aze abambe isisu sikaSilethemba. Khathesi okwasekumzwisa ubuhlungu libizo leli elaseliphiwe umntanakhe elithigola. Ubuhlungu ayesebuzwa wayesefunukuyavusa abanewabo labomalukazana. Wamkhuza unina omncane. Emoyeni wakhe wayengakhathazekanga kakhulu ngoba wayecele unina ukuthi amtshele iqiniso nxa sekhulile,manje wayezibuza ukuthi uzatshelwa ngubani inyakanyaka ayenzayo. Wavele wavala ngokuthi selobuthongo lakanye bayalala. Emadabukakusa njengesivumelwano bavuka baqonda ensiza kusigodo inyanga eyayithandwa nguyise kudala besakhula. Bafika ilanga lisanda kuphuma,bathola kulabantu ababili phambili balinda. Bathi sebengenile ababili balandela,wahle wayitshaya ekhanda wazisa lokuthi babehlose ukubulala umzukulu ngephutha kwadla ugogo. Wazisa njalo lokuthi akula muthi angabapha wona angona izinto kuzavela ngendlela yakho. Ayengasiza ngakho yikuhlanzisa amadoda nxa bethanda kodwa nxa bengathandi kulungile phela lawo umuthi uyaphela. Bavala ngokuthi bazabuya basuke bedlile. Baphuma abafana kwathiwa kusale udadewabo watshelwa ukuthi akhuthaze kakhulu umntanakhe engekeli sonto. A..... Pls watch out for chapter 12 Pls SHARE MY PAGE Nobesuthu Khumalo - writer/poetry
Posted on: Mon, 21 Oct 2013 15:30:26 +0000
Trending Topics
Recently Viewed Topics
© 2015